YEGIL MBAAX NE YEESU ne Lik a bindtuuna 21:8 - NQAARIIT NE ROOG

⁸ Yeesu a doona a den ee: «Mbootooxyo o naxel, yaam xan wiin mayu a ngar, a ne’ooxaa gon es, too xan a lay ee: ‹Mi refun›, too ‹Waxtu fee xe matiidaa!› Kaa koy, ba nu ndeef a den.

YEGIL MBAAX NE YEESU ne Lik a bindtuuna 21:8 Referans Kwoze

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

2 Tesalonik 2:3

Ba nu njaɓ o kiin a nax a nuun no kuu ta waagna o ref. Boo ñaal neene a helko fo garaa koy, xan a soƥ wiin mayu a siiknoor fa Roog, soo mbir ne no njofaƭar ne a feeñ, ten fee jagandaneena a saŋkax ale.

Efees 5:6

Ba o leng a nax a nuun fo fa lay fa njegee xoox, yaam tooñ nandu neene na taxkaa fuux le Roog a dal took no we mbañuuna o nanan.

Mace 24:11

Xan a jeg duleer maamaaɓ mayu waa ngarna, too xan a nax wiin mayu.

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

Yeremi 29:8

Yaam keeke o Yaal oxe Roog fee Isra’el Hupna fop a layu: ‹Ba nu nqaƴ duleer we fo ɗeet we ndefna a ndeer nuun da nax a nuun! Ba xa ƭaaɗ axe nuun a ngaal a nuun.

2Saŋ 1:7

Nu mbootoox koy, yaam kaa jeg mayu waa ndefatna na adna fee, a naxaa wiin we. Weene mbeejlee yee Yeesu Kiristaa a cerooxa, ye ta garna na adna fee, a ñoowaa nen o kiin. Oxuu na fi’aa keene, kaa naxiid wiin we, too o Mbodandoor-Kiristaa yoo.

YEGIL MBAAX NE YEESU ne Lik a bindtuuna 17:23

Xan nu layel ee: ‹Oxey mene, oxaay maana.› Ba nu ndet, too ba nu ƈuf ndax nu nga’in.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Mace 4:17

Na jamaane faaga, Yeesu a fera o waare, a lay ee: «Mbesyo pakaad nuun a cinj, yaam Maat ne na asamaan a matiida.»

Mbeeñil 1:3

We na njangkaa safe lene a ƭaaya. We na nankaa fa lay fee no nduleer ne ten, soo a ngeek ke bindeena teen a ƭaaya itam. Yaam waxtu fee keene fop a warna o xew a matiida.

YEGIL MBAAX NE YEESU ne Saŋ a bindtuuna 8:24

Ten taxu um lay a nuun ee pakaad nuun nu nqonitkaa. Nu ngimangee oxe refuuma kañ, a woora yee kam pakaad nuun nu nqonitkaa.»

YEGIL MBAAX NE YEESU ne Saŋ a bindtuuna 5:43

Kaam gar no gon Faap es, soo nu nquruloox. O lakas a garangaa no gon xoox um koy, nu mbarakooxin.

Mace 3:2

Kaa layoogu yee: «Mbesyo pakaad nuun a cinj, yaam Maat ne na asamaan a matiida.»

YEGIL MBAAX NE YEESU ne Lik a bindtuuna 21:7

Daalbe waa a laamtaan ee: «O Caajangin oxe, a mban muukandoong ne a fadiidkaa? Ndi o anddiloor olum na lalitkaa waxtu fee keene fop a jegkaa?»

YEGIL MBAAX NE YEESU ne Lik a bindtuuna 21:9

Boo nu nanna coow xire mbaat yo’nax, ba nu ndiid, yaam keene a wara o eet o fadiid, too sax refkafulee muukandoong ne ndak fo ndak.»

YEGIL MBAAX NE YEESU ne Saŋ a bindtuuna 8:28

Maaga, Yeesu a laya a den ee: «A koom alaa nu yoɗkaa o Ƥeenqe no kiin oxe rek, nu andkaa oxe refuuma, and itam ee ke um fi’aa refee pexey xoox es. Ke um layaa fop, Faap es jangnaxam o ten.

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,