YEGIL MBAAX NE YEESU ne Lik a bindtuuna 21:6 - NQAARIIT NE ROOG

⁶ «No ke nu nga’aa ndiiki, xan a jeg a pe, yoqkee muul leng took muul gend um laa yenkeerna.»

YEGIL MBAAX NE YEESU ne Lik a bindtuuna 21:6 Referans Kwoze

Mark 13:2

Yeesu a doonaan ee: «Ga’aa ga calel magnu kene de? Yoqkee muul leng took muul gend um laa yenkeerna.»

Mace 24:2

Maaga, Yeesu a laya a den ee: «Nu nga’a nga keene fop de? No ndigil, mexe layaa a nuun ee: Yoqkee muul leng took muul gend um laa yenkeerna.»

A ƭomatax ake 5:18

ne o joong ole Siyoŋ a fesna a pec taxun, boo xa ƥox-a-koƥ axe a njoqooyooxataa teen.

Sakari 14:2

O Yaal oxe xan a fokat qeet ke fop, da inooxan a Yeerusaleem. Teeru fee xan a jaɓel, pind ke a mbaltel, rew we a ngignel, genwal fee no wiin we a ƥisel gilaa saax took o hup doole, ndaa we na yoqkaa na den sutkaand teeru fee.

Sakari 11:1

Wo Libaŋ, weti begax ke wo, ndax fiɗel a waag o raaɓ taxar seedar ke wo!

A ƭomatax ake 4:1

Xar oo kene? Wurus fee a ñaka meleƈ um, wurus fa nqoolu fee a suptoox! A ƥil ake no mbiñ o tedu nqe a pasarooxa no kooñ ke no ped ke fop!

Yeremi 26:18

«Mise fee genna Moreset a yegnit’a padafuleer na jamaane Hiskiya fee o maad Yudaa too a layooga xeet fee Yudaa fop ee: ‹Keeke o Yaal oxe Hupna fop a layu: Siyoŋ xan a guurel a refat o qol, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.›

Yeremi 26:9

Xar taxu o yegnitaa no gon no Yaal oxe yee Mbind neeke xan a nand nen a Silo, soo teeru feeke a tasel, a fes a pec?» Maaga, fop waa ndeeƭna no Mbind Roog ne a mbokatoorana a Yeremi.

Yeremi 26:6

Nu nan-gilooxatangiraam koy, xam fi Mbind neeke ne fi’uuma a Silo soo fi teeru fene a ref saloor no qeet ke na adna fee fop.› »

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

YEGIL MBAAX NE YEESU ne Lik a bindtuuna 21:7

Daalbe waa a laamtaan ee: «O Caajangin oxe, a mban muukandoong ne a fadiidkaa? Ndi o anddiloor olum na lalitkaa waxtu fee keene fop a jegkaa?»