Biblia Todo Logo
Bib sou entènèt

- Piblisite -




YEGIL MBAAX NE YEESU ne Lik a bindtuuna 21:36 - NQAARIIT NE ROOG

36 Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

Gade chapit la Kopi




YEGIL MBAAX NE YEESU ne Lik a bindtuuna 21:36
34 Referans Kwoze  

Ndiiki koy, xa teɓandoong es, ngenyo no ten, ndax nu njeg njambaar, yaa ta feeñkaa, soo ñak o sed, yaa ta garkaa.


Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.


Yetooxyo boog, yaam nu andee ñaal ne fa waxtu fee o kor-no-kulook oxe a garkaa.»


Yetooxyo boog, yaam nu andee na bes fee o Yaal nuun a garkaa.


Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.


Ndiiki koy, yetooxyo, saƭik no ngim onqe, ndef goor, too saƭakinooxaa.


Yeesu a naxooxa a den, ndax ta lal a den ee a mbara o ngen no nqeɗaa, too a mbañ o mbaas.


Mbootooxyo boog, too yetoox, yaam nu andee a mbane waxtu fee a refkaa.


Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.


Yetooxyo too nqeɗ ndax nu yenkee no mbog. Yiif le a jagandooxa, ndaa cer ke kaa ngees.»


Ndi an na hatilkaa bes feene ta garkaa? Kaam ee an na geenooxkaa naŋ, yaa ta feeñna?, yaam kaa nand fo fiɗel no paal o qaaxaw soo a ran-gandaa taw nen xeme.


Naangyo o nqeɗaa ñaal fo o yeng,


Ke um layaa a nuun, fop um layan: Yetooxyo!»


Wo o mat, fat o fod no kuu refna, fañ o hupal, jaɓ o coono. Fi’i ke o baawaare Yegil mbaax ne a warna o fi, calel of, o fadnitin ne ta waritna.


Nuun fop, fat nu njof mbaambir na qeƭ, yokoox teen, ndef no ngidim.


O koor oxaaga kaa reefoogu a Roog, a saɗarin, ten fo ƥasil um fop. Kaa dimle’oogu rool mayu ndeer no Yaawuur we, soo a gen no xeɗaa a Roog kili.


Ten taxu yoo mbaagkee o nqox yaa fo nqel naa Roog. Kaam ee baabakaad we nqoxkee a ndeer mbokatax ne no jofu we.


Ndax no Cegu katil oxe o ɗaay um a refu? Ndax na Roog a jagnaa a qeƭ um mbanuu refna?


ndaa we njombeerna o njeg a las na jamaane fee na garaa fo na qontax alaa no xon waa ngiligkatee, too rew we ndolooxkatee.


Ten taxu, keeke layum, mi o Yaal oxe Roog fee Isra’el Hupna fop: Yoonadab fee o ƥiy Rekab ñakkatee muk xa taan axaa na ndagooxaxam.› »


Yeesu a doonaan ee: «Xa ƥox-a-koƥ axe a njega qanq, tiiƭ ke na asamaan a njeg tut, ndaa o Ƥeenqe no kiin oxe jegee maa ta hakandooxna.»


Nuun moƴu o and ee boo o yaal mbind a and’ina waxtu fee o kuuɗ oxe a garkaa, a yetooxkooga, too xaƴkoogee mbind um a gefel.


Ten taxu, njagandooxyo nuun itam, yaam o Ƥeenqe no kiin oxe xan a gar na waxtu faa nu mboogukeeruuna.»


Malaaka fee a doonaan ee: «Mi yoo Gaburi’el, na geenooxaa mbaambir Roog. Kaam luliidel me wo, ndax um layong yegil mbaax neene.


nen mbog, yaam xan a sag we ngenna took lanq ke fop.


I anda yee oxe xontooxnoorna o Yaal oxe Yeesu, xan a xontooxnoor a in itam fa Yeesu, too xan a feeñil a in fa nuun paam um.


yaam bes fa maak fee da nqawkaa a in a fadiida, too an na waagkan o haŋ?»


Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.


Maaga, ga’aam malaaka ɓetuu ƭik ke a ngeenoox mbaambir Roog, a cooxel a luuƥ ɓetaa ƭaq.


Seede ɗik weene ndefu taxar oliiw ƭik ke fo a pagal a ƭak xa lampa ake mbodna mbaambir no Yaal oxe jegna adna fee fop.


Swiv nou:

Piblisite


Piblisite