YEGIL MBAAX NE YEESU ne Lik a bindtuuna 21:34 - NQAARIIT NE ROOG

³⁴ «Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

YEGIL MBAAX NE YEESU ne Lik a bindtuuna 21:34 Referans Kwoze

Mark 4:19

ndaa a qalaat ake na adna fee fo ne halal adna a ƴiƴtaa a den fo a yuxum ake no ñoow ole kaa ngoñaa fa lay fee boo mbaagkee o ndim.

YEGIL MBAAX NE YEESU ne Lik a bindtuuna 12:40

Njagandooxyo nuun itam, yaam o Ƥeenqe no kiin oxe xan a gar na waxtu faa nu mboogooxkeeruuna.»

1 Korint 6:10

guuɗ we, we mbuge’na, yeeyer say we, we na mbenaa lakas we fo cublang ke, kaam ee o leng na den lamkee Maat ne Roog.

Mbeeñil 3:3

Wetandooxi boog ne daawtoona fo ne nantoona fa lay fee Roog. Gayeen, too fes pakaad of a cinj. O yokooxangee, xam gar nen o kuuɗ. Xam yen took of na waxtu faa foogooxkeeraxamoona.

2 Piyeer 3:14

Nuun we fexuuma, ten taxu, ne nu cungaa bes feene, ngoorgoorlooxyo ndax nu nqool, ñak sik mbaambir Roog, ndef na jam fo ten.

Galati 5:20

fo a cuur pangool fo pan. Kaa taxaa itam wiin we a mbaagraƭar, a nqasraa, a mat a qeeñ, a mbuuxanraa, a ngendandooraa, a nqaajooraa, soo a mbi’aa fo mbokatax fo sayooxu.

1 Korint 5:11

Ke um bindataa refu nu ndiƈatoox we andoona yee kaa layaa yee no ngim onqe a ndefu, too a seeqaa, a mbuge, a njuuraa, a mbenaa lakas we, a ndef yeeyer say, a nguuɗaa. Ba nu ndeer fo kiin um o roon sax.

Mace 13:22

Ax ke nduufeena kam kiƈ ke ndefu oxe na nanaa fa lay fee Roog. Kaa koy, a qalaat ake na jamaane fee fo ne halal adna a ƴiƴtaa a den a naanga o ngoñaa fa lay fee Roog boo waagkee o rim.

Hoose 4:11

Njaga ne fa biiñ fee kaa ngulmandaa.

Esayi 28:7

Den wene itam kaa njayang-njayangnaa yaam biiñ, soo a yer a qaaɗu xut ake a ngulmandaa a den: Saasadax we fo duleer Roog we kaa tifil-tifilnaa yaam a yer a qaaɗu ke, a njaxasoox yaam biiñ fee. A yer a qaaɗu ke kaa ngulmandaa a den, da tiipaa, yaa da njo’tanaa a Roog soo a layaa xa ƥaral, yaa da ngate’aa.

YEGIL MBAAX NE YEESU ne Lik a bindtuuna 21:8

Yeesu a doona a den ee: «Mbootooxyo o naxel, yaam xan wiin mayu a ngar, a ne’ooxaa gon es, too xan a lay ee: ‹Mi refun›, too ‹Waxtu fee xe matiidaa!› Kaa koy, ba nu ndeef a den.

Filip 4:6

Ba nu nqalam dara! No kuu refna, ndiisyo a Roog coxla nuun, nqeɗaa, nqeɗooxaa, too ngidman itam.

YEGIL MBAAX NE YEESU ne Lik a bindtuuna 17:3

Mbootooxyo na qoox nuun. Boo o pog of a bakaadna, xasaneen. A fesangaa pakaad um a cinj, waasaneen.

YEGIL MBAAX NE YEESU ne Lik a bindtuuna 10:41

Yeesu a doonaan ee: «Wo kañ Marta, kaa o roxondoox mayu, too may kaŋ-kaŋ,

YEGIL MBAAX NE YEESU ne Lik a bindtuuna 8:14

Ax ke samna kam kiƈ ke ndefu we na nanaa fa lay fee Roog. Kaa koy, a qalaat ake fo kalal ke fo a yuxum ake no ñoow ole kaa ngoñaa a den boo mboorkee.

Mark 13:9

Nuun o mat, mbootooxyo a qoox nuun! Xan nu ƥisel no mbind no maad, too xan nu nqawel kam pind a qeƭ ke, ƥisel mbaambir gofornoor ke fo maad we yaam mi, ndax nu mbaagaam o seede’an mbaambir den.

Xa peƭit axe 21:4

O ɗeet nga’yaamoo fo o felnax, o jam oleene no soxodu we bakaad doŋ oo.

Hebre 12:15

Mbootooxyo boo ba o leng a fes yirmande fee Roog a cinj. Kaam ee ba o leng a ndeer nuun a ref nen ndaxar ndali naa saxna, soo xa tim um a toroxandaa wiin mayu.

A kim a tedu ke 35:8

Fat taamaala faa da mboogu’eerna a sagoox a den, da yen no mbog ne da ƭaapna den fa qoox den, soo a njimboox no gamb le da mbaqna.

1 Sami’el 25:36

Ye Abigayil a fadiidna no mbind ne, a soƥa Nabal a bumbaayaa nen mbumbaay no maad. Nabal a ɗaay’a lool soo a way boo a naag nep. Abigayil koy, lay’iran o ɗelem o leng boo no feet nqes olaa.

A cangatin ale 29:19

O Yaal oxe bugkee waasan oxeene kiin, ndaa fuux le fo naal ne ten xan a mbiltooxanin, too a salax ake fop mbindeena no safe lene xan a ndal took um, soo o Yaal oxe a ñuf gon um took lanq ke.

A paɗax ale 10:9

«Wo fo xa ƥeef, ba nu yer biiñ mbaat a yer a lakas alaa waagna o way o kiin, yaa nu mbugna o ndok no Ƭiif ne um xetteel, yaam ndik nu nqon. Keene xan a ref na nuun fo xa taan nuun kebil naa na refkaa boo kili.

2 Piyeer 3:10

Bes fee no Yaal oxe xan a gar nen o kuuɗ oxaa na ɓeedaa. Na bes feene, xan asamaan fee a ñuf, a yoon fo fangax maak. Ke Roog a fokatna fop, xan a sooynel na fiɗel fa saasu, too lanq ke fo ke refna teen fop, xan a yaqel.

Mberaand 19:32

Fat i yerin a faap in biiñ, soo mbondoox fo ten, ndax ta jeg xa taan.»

Xa peƭit axe 23:20

Ba o moof a ndeer no yeeyer we, mbaat a ndeer no we nquuñooxna na tegeƴ,

O baawaare xe 9:12

O kiin oxe andee waxtu um. Ne mbaal a bettaa liƥ fo ne mbog a bettaa ndiiƭ, neene fa nqon a bettaa o kiin, yaa ta yenna took um.

YEGIL MBAAX NE YEESU ne Lik a bindtuuna 21:35

nen mbog, yaam xan a sag we ngenna took lanq ke fop.

Mberaand 19:35

No yeng olaaga, a yernahina a faap den biiñ, soo o ndeɓ onqe a ret ndax ta wondook fo ten. Faap fee yeg’ee ye oxeene a wondooxiidna fo ten ne’atiim ye ta inooxaa.

Mberaand 27:14

Yakoob a reta, a ɓisiid a den a ya um, soo ta jawan a Isaak njaw mbelu ne ta bugna.