YEGIL MBAAX NE YEESU ne Lik a bindtuuna 21:25 - NQAARIIT NE ROOG

²⁵ «Xan a jeg xa anddiloor no njeeƈ ne, na qoor ale fo na xa qoor axe. Xan a jeg naqadilax maak ndeer qeet ke, too xan a njaaxiɗ yaam ŋur-ŋur fee no maag ole fo a yag-ee-yag ake.

YEGIL MBAAX NE YEESU ne Lik a bindtuuna 21:25 Referans Kwoze

Esayi 13:10

Xa qoor axe na asamaan fo xa kulook axe ten meleƈinkatee a qoolaand den. Njeeƈ ne oxaa wataa, a ɓalig ɗok, a qoor ale a niifaar.

Dañel 12:1

Malaaka fee a layahinaxam ee: «Na jamaane faaga, xan Mika’el fee refna kelfa fee no malaaka ke a feeñ, ten fee na saytooxaa xeet of. A koom xan a jeg coono fa maak faa moseerna o jeg naa xeet a sosooxu boo ndiik. Maaga, fop we mbogna na xeet of, too a kon den a mbindel no safe le no ñoow ole, xan a muc.

Esayi 24:23

A qoor ale xan a gaci, soo njeeƈ ne a sed, yaam o Yaal oxe Hupna fop xan a maadoox took o joong ole Siyoŋ, na Yeerusaleem, too xan o ndam um a meleƈ na kid no maak we.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

A pi ake 2:19

Xam lalit comlaand took-ee-took, na asamaan fee, fo xa anddiloor a lanq, took lanq ke, ta ref po’oy fo fiɗel fo fo suun olaa fi’na a eel.

Esayi 51:15

Mi refu o Yaal oxe Roog of na jumbandaa o maag ole boo a yag-ee-yag ake ten a ndititaa. Gon es refu o Yaal oxe Hupna fop.

Mark 13:26

Maaga, xan wiin we a nga o Ƥeenqe no kiin oxe a garaa took a eel ake, a yoon fa katil maak fo o ndam.

Mark 13:24

«Kaa koy, no ñaal kaaga, cinj coono fa maak faaga, njeeƈ ne xan a nuk, a qoor ale a niifaar,

Mace 24:29

«Ndak fo ndak, a cinj coono fa maak faaga, xan njeeƈ ne a nuk, a qoor ale a niifaar, soo xa qoor axe a yenit na asamaan, too xan katil ke ndefna na asamaan a yo’noox.

A kim a tedu ke 46:3

Ten taxu i saɗaree dara, lanq ke a yo’nooxangaa sax oo, xa coong axe a ngirdoox no qooƭ ke no maag ole,

Mark 15:33

Na waxtu njeeƈ ndeer xoox, a jeg’a o niɓaan took lanq ke fop, boo na waxtu a kirandax.

Yeremi 4:23

Ɗeetaam lanq ke, ga da yoq o ƥor, saxit’ee nen dara, um ɗeet a asamaan, a qoolaand ale ten a ñuf ɗuƭ.

Esayi 5:30

A koom, xan a ŋuuranan nen ŋurŋur le no maag ole. Muu ɗeetoona no saax le, o niɓaan fa naqad doŋ o ga’kaa teen, a eel a ƥaal ɗok a niɓaanin njeeƈ ne.

Mace 27:45

No kaa xotitna na waxtu njeeƈ ndeer xoox boo na waxtu a kirandax, a jeg’a o niɓaan took lanq ke fop.

Mise 7:4

Oxe moƴna faax na den kaa nand nen nqooc, oxe da mbi’na o cofu a moƴ o weel ngiƈ ngol. Ñaal ne na qaw ale nuun, yeeyetax we duleer we nuun a yegnitna, a fadiida, too me ta refna, nuun wey no jaq.

Esayi 17:12

Ey! Fangax le na saax a cegee hap ake na jibtaa nen fangax le na xa maag axe. Ŋurŋur le no qeet ke na nandtaa ŋurŋur le na yag-ee-yag a cegu doole ke.

YEGIL MBAAX NE YEESU ne Lik a bindtuuna 21:24

Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»

YEGIL MBAAX NE YEESU ne Lik a bindtuuna 21:26

Xan wiin we a nqon yaam diid maak yaa da nqalaataa ke na xewkaa na adna fee fop, yaam xan katil ke na asamaan a yo’noox.