YEGIL MBAAX NE YEESU ne Lik a bindtuuna 21:24 - NQAARIIT NE ROOG

²⁴ Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»

YEGIL MBAAX NE YEESU ne Lik a bindtuuna 21:24 Referans Kwoze

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

Mbeeñil 11:2

Fat o xaƴ o maax-tafil ole no Mbind Roog ne koy, ba o liiƥin, yaam kaa ci’el qeet ke ndefeerna Yaawuur, too xan a nduut teeru fa tedu fee boo a qool qarɓeen nahik fo a qool a ƭak.

Esayi 63:18

Na pe a mayeer soom xeet fa tedu of a njegu lam den. Fañ we in a nduuta Mbind tedu ne wo.

Dañel 12:7

Maaga, o koor oxe rokooxna ndoki njoor, a yooroox foofi le no xuluɓ ole, a yoɗa o ɓay um o janoon farna fa asamaan, too nanaanum ta daaɓoortaa Oxe na ñoowaa boo faw ee: ‹Keene xan a xewaa boo xa kiid xa tadaq fa genwal, too yaa doole fee na xeet fa tedu fee a fagkaa, xan muukandoong ne no keene fop a gar.›

Dañel 9:27

Na xa kiid ɓetaa ƭaq xa palakaand axe, xan a gadin wiin mayu cerit ƭomu. Xa kiid axeene a ndokangaa a ndeer koy, xan a xañit sadax muumeen ke fo sadax tuufe-duufe ke sax. Cakalaaru ke sibdeena xan a sipel me moƴna goƭ took no Mbind Roog ne, boo yaa o yaayaq oxe sipuuna maaga a gefkeel tuƈ, ne Roog a dalnit’uuna no ten.› »

Dañel 8:13

Maaga, nanaam malaaka fa tedu faa na layaa. Fa lakas a laamtaan ee: ‹Ke feeñleena kaa bugko jegaa boo a mban? Boo a mban sadax ke ƥoxotoogeena bes fuu refna a njegkateeru? A paɗax a qoolaƭaru le kaa refkaa meen boo a mban? O mbiñ o tedu nqe fo a yaj ake na asamaan kaa mbugko nduuteel boo a mban?›

Esayi 5:5

Ndiiki koy, xam lay a nuun deŋ ne um fi’kaa a ƭing ale mi: Xam bayit o ɗiiɗing ole, ndax ta fiitnel, maaf ɓit le, ndax ta duutel.

Esayi 66:19

Xam doon me den o anddiloor sañ-sañ es soo lul no weene ƥostooxna me no qeet ke Tarsis, Puut, Luud, Mesek, Tubal fa Yawan fo na pimb ake liitooxna, muu andoona yee mosee o nan paru na mi too mosee o nga o ndam es. Weene hebluuma xan a mbeeñil qeet keene o ndam es.

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

A ƭomatax ake 1:15

O Yaal oxe a deɓa xir say we mi fop ndeeƭna a ndeer es. A fokatanaxam a yaj no xiixire, ndax ta saŋik mbes ke mi. Ne xa biiñ a nduutteel no nirir, neene o Yaal oxe a duguñtaxam, mi Yeerusaleem fee o ƥiy o ndew Yudaa.

Esayi 66:12

Keeke o Yaal oxe a layu deŋ: «Xam ɓakandiid farna fa Yeerusaleem jam fee nen o xuluɓ fo o ndam onqe na saax ake nen a ƈufnand alaa balna. Xan nu numnel, mbaxooxel soo ƥopel.

Mberaand 34:26

A mbara itam a Hamoor fo o ƥeem Sikeem. A nqota a Dinaa no mbind Sikeem, soo a ndet.

A sutax ale 17:13

Yosuweyiin a nqawta xiixire we no Aa-amalek we laƥ.

YEGIL MBAAX NE YEESU ne Lik a bindtuuna 21:25

«Xan a jeg xa anddiloor no njeeƈ ne, na qoor ale fo na xa qoor axe. Xan a jeg naqadilax maak ndeer qeet ke, too xan a njaaxiɗ yaam ŋur-ŋur fee no maag ole fo a yag-ee-yag ake.

Hebre 11:34

A ñufooga xa ñaay xa cegu doole, too a nqox’a laƥ. Ke da ndeeƭna ndeeƭ neewu doole fop oo, a njegnoor’e doole, a ndefat xiixire say, boo a mbaag o maaf xiixire mayu.