YEGIL MBAAX NE YEESU ne Lik a bindtuuna 21:18 - NQAARIIT NE ROOG

¹⁸ Kaa koy, o biil o leng no xoox nuun sax samkee.

YEGIL MBAAX NE YEESU ne Lik a bindtuuna 21:18 Referans Kwoze

Mace 10:30

Wiil le na qoox ake nuun sax kaa limel.

1 Sami’el 14:45

Xiixire waa fop a ndalfooxa o lay a Sawul ee: «Xar? Yoonatan o mat xonkee, ten fee fexeyna boo Isra’el a jeg o ndam o maak onqene. Kaaga jegkee muk! Ne ta wooritna yee o Yaal oxe xe ñoowaa, o biil o leng samitkee no xoox um, yaam fo o ndimle Roog a fi’tu ke ta fi’na xaye fop.» Maaga, xiixire waa a mbata a Yoonatan boo xonee.

A pi ake 27:34

Ngaryo boog too ñaam, yaam nu soxla’a o ñaam ndax nu muc. O biil ole moƴna o yooɓ sax watkee no xoox no kiin na nuun.»

YEGIL MBAAX NE YEESU ne Lik a bindtuuna 12:7

Wiil le na qoox ake nuun sax kaa limel. Ba nu saɗarat boog! Nuun ngupu giiraand xa ñere-ñere o njiriiñ.»

2 Sami’el 14:11

O tew oxaa a ɓaataan o lay ee: «Daali maad, kaam xeɗang o fi’anaam a tegit no gon no Yaal oxe Roog of, ndax o kiin oxe warna o rabdinoox fa nqon fee no ƥees warkee oxe yoqɗuuma soo a ɓaat taamaala fee.» O maad oxaa a doonaan ee: «Ne ta wooritna yee o Yaal oxe xe ñoowaa, neene a woortu yee o biil o leng sax samitkee no xoox no ƥeef.»

1 Sami’el 25:29

Boo o kiin a inooxanoonga, a raxang, ndax ta warong, a woora yee xan o Yaal oxe Roog of a saytoox o ñoow of nen xaaliis kam nafa soo a suusaand ole no fañ of.

YEGIL MBAAX NE YEESU ne Lik a bindtuuna 21:17

Xan fop a sib a nuun yaam gon es.