YEGIL MBAAX NE YEESU ne Lik a bindtuuna 21:15 - NQAARIIT NE ROOG

¹⁵ yaam xam coox a nuun ke nu mbarna o lay fo o and olaa taxna fañ we nuun mbaagkee o maaf a nuun mbaat da ƥur a nuun.

YEGIL MBAAX NE YEESU ne Lik a bindtuuna 21:15 Referans Kwoze

Yeremi 1:9

Cinj kaaga, o Yaal oxe a letna o ɓay um, a duq o don es soo a layaam ee: «Mexey ɓekaa fa lay es no don of.

Efees 6:19

Nqeɗanaamoo itam, ndax a mbanuu haƥatuuma bug o lay, um jeg kaa layuuma, boo waag o andnoor kunpa ke no Yegil mbaax ne fo njambaar.

YEGIL MBAAX NE YEESU ne Lik a bindtuuna 12:12

yaam na waxtu faaga sax sax xan Yiif Tedu le a jangin a nuun ke nu mbarna o lay.»

A pi ake 6:10

ndaa mbaag’iran o ƥur, yaam kaa laytoogu o and ole Yiif Tedu le a ci’taa.

YEGIL MBAAX NE YEESU ne Lik a bindtuuna 24:45

Maaga, Yeesu a wetana a den a yiif den, ndax da and a Pind a Tedu ke.

Saak 1:5

O kiin na nuun a jegangee yiif deyu, fat a xeɗin a Roog, too xan a ci’in o ten. A woora yee Roog a naaga o ci’taa fop bo ta dey, too ŋañkee oxe xeɗuuna.

Xa peƭit axe 2:6

O Yaal oxe na ci’taa o jeg-yiif, o and fo o ƴiƴ a ngataa no ten.

A pi ake 26:28

Maaga, o maad Agiripa a laya a Pool ee: «Ndiiki koy, kaa o bugaam o gimnoor ndak fo ndak, um refat kerceen?»

A pi ake 24:25

Kaa koy, ye Pool a laytaa kaa farna no ñoowooƭ o jofu fo no dam xoox of fo na hate fee Roog na garaa, Feliksi a dalfooxa o diid, too a layin ee: «Ndiiki koy, waagaa o ret. Um jegangaa o daaw, xam xoyniidong.»

A pi ake 2:4

Den fop a maya fo Yiif Tedu le, too a ndalfooxa o layaa lak lakas kaa Yiif le a ci’na a den.

Heseki’el 29:21

A koom, xam ɓaat doole fee no mbind Isra’el, soo wo fee o ƥiy no kiin, um wetanong o don of a ndeer den, too xan da and ee mi refu o Yaal oxe.»

YEGIL MBAAX NE YEESU ne Lik a bindtuuna 21:16

Xan we ndimna a nuun fo xa teɓ nuun fo fog nuun fo qaariit nuun a ngod a nuun, too xan a mbarnoor leng-leng na nuun.