YEGIL MBAAX NE YEESU ne Lik a bindtuuna 21:12 - NQAARIIT NE ROOG

¹² Kaa koy, boo keene fop a helko fo fadaa, xan wiin we a ndoon xa ƥay den took nuun, too xan nu ñagadilel. Xan nu ngate’el kam pind a qeƭ ke, soo ƥekel kaso. Xan nu ƥisel mbaambir no maad we fo gofornoor ke yaam gon es.

YEGIL MBAAX NE YEESU ne Lik a bindtuuna 21:12 Referans Kwoze

1 Piyeer 2:13

Yaam o Yaal oxe, njaɓanyo we kelfa’na wiin we, ta ref o maad oxe jegna sañ-sañ fee hupna

A pi ake 22:30

Kelfa fee a bug’a o and a qool qac ke Yaawuur we a njamboogna a Pool. No feet olaa a xoya saasadax maak we fo Mal maak ne fop da mbokatoor. A wokta a Pool, a ɓisiidin, soo a geennin mbaambir den.

A pi ake 9:4

A yena a lanq, too a nana o ñuxur olaa layooguuna yee: «Sool, Sool xar taxu o ñagadilaxam?»

A pi ake 8:3

Kaa koy, Sool o mat, kaa firɓandoogu o fog ole no gimu we, a rokaa kam pind ke, a damaa gimu we, goor fo rew, a wegnooraa a den kaso.

A pi ake 5:40

A nqoyahina apootar waa, a nqaw a den xa cap, a mbañit a den da layit gon le Yeesu. Cinj kaaga, a mbokta a den da ndet.

YEGIL MBAAX NE YEESU ne Saŋ a bindtuuna 15:20

Mbetandooxyo ke layuuma a nuun ee: O tag hupkee o yaal mbind um. A ñagadilangaam, xan a ñagadil a nuun itam. Boo da ngayna a ƭelem es, xan a ngay ake nuun.

Mace 22:6

Lakas waa koy kaa ndam dag waa, a nqaw a den, a mbar a den.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Mace 24:8

Keene fop nen gaaj ɓelafuleer a nandkaa.

YEGIL MBAAX NE YEESU ne Lik a bindtuuna 21:11

too xan a jeg yo’nax maak no lanq ke fo qeex fo piste na saax a mayu. Xan a jeg tig saɗarnooxu fo xa anddiloor xa maak na asamaan.

YEGIL MBAAX NE YEESU ne Saŋ a bindtuuna 15:21

Gon es xan a tax da ndoon a nuun coono keene fop, yaam andee oxe luliidaxama.