YEGIL MBAAX NE YEESU ne Lik a bindtuuna 20:47 - NQAARIIT NE ROOG

⁴⁷ Kaa njaɓaa ke ñaaw we a njegna fop, a yoonandtin a qeƭ a ciig, ndax da ƭeetel nen jofu. Weene wiin na moƴkaa o ƭomiɗ hate.»

YEGIL MBAAX NE YEESU ne Lik a bindtuuna 20:47 Referans Kwoze

Mark 12:40

Kaa njaɓaa ke ñaaw we a njegna fop, a yoonandtin a qeƭ a ciig, ndax da ƭeetel nen jofu. Weene wiin na moƴkaa o ƭomiɗ hate.»

Saak 3:1

Fog es, baa mayu na nuun a ndiirooxaa o njangnik fa lay fee Roog, yaam nu anda yee, paam Roog, in we na njangnaa na moƴkaa o ƭomiɗ wiin lakas we hate.

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.

YEGIL MBAAX NE YEESU ne Lik a bindtuuna 12:1

Na waxtu faaga, wiin cuni-cuni a mbokatoora, a ndakraa. Yeesu a fera o maƭoox daalbe we ten, too a lay a den ee: «Mbootooxyo poɗaxnir ke no Farisiya we! Kaa tekit yememaar.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Mise 3:2

Kaa koy, kaa nu sib paax ke, soo mbex paaxeer. Kaa nu ƭoltaa ƭool no kiin, listit cer ke na xa kiiƈ axe.

Mise 2:8

Kaa koy, o Yaal oxe a doona a nuun ee: «Kaa nu mbañraa fa xeet es, mbolaa sabadoor no xe refna no yaadax xalaateerna o ñoxorel muk.

Amos 2:7

Kaa mbi we neewna doole takir, wargal no toroxu da ndakin, a suuraa. Kaam ee, kaa faap fo o ƥeem a nqetaa no toog o leng, a pi den fop a maasandaa gon tedu le mi.

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Esayi 10:2

ndax da nqañit fo mboƭomsogor ne nqeloor, rool we na xeet es, da nqañit a den wargal den, a ñoowtaa ke ñaaw we a njegna soo a njaɓaa ke xa baan axe a yaakaarna.

1 Tesalonik 2:5

Ne nu andtuuna, i mosee o saq fa lay fa koocir fa leng, too i mosee o mbaare’aa, ndax i njegit teen xaaliis. Roog a seede’a a in no keene sax.

Mise 2:2

Kaa yaawaa xa qol soo a njaɓ a den, a yaaw pind soo a ndoon teen o ɓay. Kaa toroxandaa o kiin fo mbind um, o kiin fo lanq ke ta lamna.

Heseki’el 22:7

Faap fa yaay kaa nqeefel me wo, o gataakoon ole a ñagadileel a ndeer of, o waan ole fo o ñaaw oxe a mbalteel.

Mace 23:14

Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu njaɓaa ke ñaaw we a njegna fop, yoonandtin a qeƭ a ciig, ndax nu ƭeetel nen jofu. Ten taxu, nuun na moƴkaa o ƭomiɗ hate.]

YEGIL MBAAX NE YEESU ne Lik a bindtuuna 20:46

«Mbootooxyo boog jaajangin we no kebil ke, mbexna o ndokooxaa ndoki maak, too a mbex o simnel no qel ke. Kaa mbaaƭaa maa da mboditna mbaambir kam pind a qeƭ ke fo moofir ke moƴna o niwnoox no qew ke.

YEGIL MBAAX NE YEESU ne Lik a bindtuuna 21:1

Yeesu a wiƈaqilooxa, a ga yaal kalal ke a yipaa ci’it den kam o geekand ole no Mbind Roog ne.