YEGIL MBAAX NE YEESU ne Lik a bindtuuna 20:36 - NQAARIIT NE ROOG

³⁶ Mbaagkatee o nqon sax, yaam xan a nandat fo malaaka ke, soo a ndefat xa teɓandoong Roog, yaam ne da ndeefna na qontax ale.

YEGIL MBAAX NE YEESU ne Lik a bindtuuna 20:36 Referans Kwoze

Mbeeñil 21:4

Xan a forit xa kooniit a kid den, too fa nqon refkatee meen. Ñaawax mbaat ƭomatax mbaat o ƭomel refkatee meen, yaam tig eetaand ke xan a mbaaf.»

Filip 3:21

Ten feene o mat na supitkaa cer neewu doole ke in, da nandat fo cer o ndam um, a fi’tin sañ-sañ fee ta jegna boo a waag o garit fop took.

Mace 22:30

Na qontax ale, goor we ngiligkatee, too rew we ndolooxkatee, ndaa xan a nand fo malaaka ke ndefna na asamaan.

Mbeeñil 20:6

We na njegkaa a las na qontax a eetaand ale a ƭaaya, too xan a mbarke’el. Fa nqon fa ƭikandeer fee waagkee na den tus, too xan a ndef waa na ƥoxotanaa a Roog fa Kiristaa sadax, a maadoox fa Kiristaa boo xa kiid juni.

1 Korint 15:42

Neene o mat a reftu na qontax ale. Ke uupeena kaa fotaa, ke saxna waagkatee o fot.

Mbeeñil 22:9

Kaa koy, malaaka fee a layaxam ee: «Ba o fi’in! O tag refum nen a wo, refin itam nen fog of we ndefna duleer fo nen we na ngeekaa fa lay fee bindeena no safe lene. Roog soom helu o faɗooxel!»

1 Korint 15:26

Oxe na falakkeel o duguñaa no fañ um, refu fa nqon,

Mark 12:25

Na qontax alaa no xon we, goor we ngiligkatee, too rew we ndolooxkatee, ndaa xan a nand fo malaaka ke ndefna na asamaan.

1 Korint 15:49

Ne i ndefitna nitaal no xe lanq, neene i ndefitkaa nitaal no xe na asamaan.

Sakari 3:7

«Keeke o Yaal oxe Hupna fop a layu: ‹O ñaaƴangaa na ƭat es too gay kebil es, wo na ɗoxkaa Mbind es, yetooxaa itam xa maax axe ten, too xam ci’ong o fog no we na ngeenooxaa mene.› »

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

Esayi 25:8

Xan a ñuf fa nqon boo kili. O Yaal oxe na refkaa boo faw xan a forit xa kooniit axe no mukit no fop, too xan a watin gaci fee dalna xeet um took lanq ke fop. Keene o Yaal oxe a regtu.

O leetar ole Pool a bindna GIMU WE NGENNA ROM 8:16

Yiif le Roog fa xoox um sax kaa woornaa a yiif in ee xa ƥiy Roog i ndefu.