YEGIL MBAAX NE YEESU ne Lik a bindtuuna 20:23 - NQAARIIT NE ROOG

²³ Yeesu a anda o ƴiƴ olaa den, too a doona a den ee:

YEGIL MBAAX NE YEESU ne Lik a bindtuuna 20:23 Referans Kwoze

1 Korint 3:19

Yaam o jeg-yiif ole na adna feeke, o ñak-xoox Roog a fi’un. Ten taxu ta layel na Pind a Tedu ke yee: «Roog kaa maaftaa jegu yiif we o ƴiƴ den.»

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

1 Korint 10:9

Ba i ƭeetloox o Yaal oxe itam, ne leng-leng na den a mbi’it’uuna boo pangool a ngar, a mbar a den.

YEGIL MBAAX NE YEESU ne Lik a bindtuuna 20:20

Kaa ngayoogu a Yeesu. A lula wiin waa mbi’ooxoogna nen jofu, ndax da mbogin. A cungooga ta juum no ɗelem, ndax da mbaagin o ƥoxot haahate waa fo gofornoor faa.

YEGIL MBAAX NE YEESU ne Lik a bindtuuna 6:8

Kaa koy, Yeesu a anda ke refna a qalaat den, too a laya o koor oxaa o ɓay um a xar’ina yee: «Inooxi, geenoox a ndeer den.» Naaga, a inooxa, a geenoox a ndeer den.

YEGIL MBAAX NE YEESU ne Lik a bindtuuna 5:22

Kaa koy, Yeesu a anda a qalaat den, too a laya a den ee: «Xar taxu nu njeg a qalaat akeene na yiif nuun?

Mace 22:18

Yeesu a anda coxod naa den, too a doona a den ee: «Nuun soo ndef yememaar! Xar taxu nu mbogaxam?

Mace 16:1

Farisiya waa fo Sadusiya waa a nqetooxiida a Yeesu ndax da ƭeetlooxin. A nqeɗooxaan ndax ta lal a den o anddiloor olaa inoorna na asamaan.

A kim a tedu ke 95:9

Maaga daan nuun a mbogaxam, a ƭeetlooxaam, ke da nga’’ina ke fi’ooguuma fop oo.

YEGIL MBAAX NE YEESU ne Lik a bindtuuna 20:22

Ndax i mbara o ndabid a Kesaar fee a bateer ndi nam?»

YEGIL MBAAX NE YEESU ne Lik a bindtuuna 20:24

«Lalaamoo o xanjar o leng. Nitaal nene fo a pind akene, an jegu a den?» A ndoonaan ee: «Kesaar fee!»

A pi ake 13:10

«Wo fee mayna fo naanaxir fo coxod ƥor, ref o ƥiy no ƈiƴ oxe, fañaa o cofel ole, ndax kaa waagiro waas a pi ake Roog o ñufaa?

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.