YEGIL MBAAX NE YEESU ne Lik a bindtuuna 20:22 - NQAARIIT NE ROOG

²² Ndax i mbara o ndabid a Kesaar fee a bateer ndi nam?»

YEGIL MBAAX NE YEESU ne Lik a bindtuuna 20:22 Referans Kwoze

Nehemi 9:37

Xa tim xa paaxaan axeene kaa ndefan maad we andoona yee kaa o neewand a in mbaambir den yaam pakaad in. Kaa da maadooxaa naa felitna a den took in fo took xa siir in, soo i ndef na naqad fa maak.»

A pi ake 5:37

A cinj um, Yudaa o Kaagalile xe a inooxa na jamaane faa na pindax alaa, a kooc wiin boo da ndeefin.

Mace 17:25

Piyeer a doonaan ee: «Aha kañ!» Yaa ta xaadaa mbind naa, Yeesu a xetooxaan, soo a layin ee: «Ndi Simoŋ, nam tige a nandong? Ndax maad we na adna fee, xa ƥiy den a laacaa a bateer, ndi lakas we soom a laacan?»

Nehemi 5:4

Lakas kaa layahinoogu yee: «Kaa i mbar o luɓ xaaliis took o ndegit xa qol axe in fo a ƭing taxar biiñ ake in, ndax i ndabid o maad oxe a bateer.

Esdaraas 9:7

No kaa xotitna no camaane kaa no daan in boo xaye tooñ in a magna lool, too pakaad in taxu i ƥoxotel, in fo maad in fo saasadax in, na xa ƥay no maad jan, ndax i mbarel, ƥisel took o hup doole, ngefel soo neewandel, ne ta maadna o refaa boo xaye.

Esdaraas 4:13

Daali maad, fat o yeg fo and boog ee boo teeru fene a maxatineena, saŋe ke ten a yoɗatinel, ndabidkatee a bateer, juuti fo a ñaaƈ, too keene xan a ref ngaañ na kamba le no maad oxe.

A cangatin ale 17:15

Maaga, fat nu ndod o kiin oxe o Yaal oxe Roog nuun fa xoox um a jilankaa a nuun. O maad oxeene o Ii-isra’el a refkaa, too ba nu njaɓ muk oxaa fogeerna na nuun a maadooxan a nuun.

YEGIL MBAAX NE YEESU ne Lik a bindtuuna 20:21

Wiin waaga a laamtaan ee: «O Caajangin oxe, i anda yee kaa o layaa too jangnaa no cofel. Jegiro samtirand leng, yaam kaa o jangnaa a ƭat Roog no ndigil.

YEGIL MBAAX NE YEESU ne Lik a bindtuuna 20:23

Yeesu a anda o ƴiƴ olaa den, too a doona a den ee:

YEGIL MBAAX NE YEESU ne Lik a bindtuuna 23:2

Maaga, den fop a ndefa no njamban ee: «Kaa i soƥ o koor oxene a hoƥatrandaa xeet in, a yaqanaa wiin we da ndabid a Kesaar fee a bateer, kaa layooxaa yee ten refu Kiristaa fee, o maad oxe.»

O leetar ole Pool a bindna GIMU WE NGENNA ROM 13:7

Oxuu nu saqanna o lad, ndabdeenoo o ten! Oxe nu mbarna o ndabid a bateer, ndabdeenoo o ten. Oxuu nu mbarna o ndabid juuti, ndabdeenoo o ten. Oxuu nu mbarna o saɗar, saɗareenoo, too oxuu nu mbarna o niw, niweenoo.