YEGIL MBAAX NE YEESU ne Lik a bindtuuna 20:21 - NQAARIIT NE ROOG

²¹ Wiin waaga a laamtaan ee: «O Caajangin oxe, i anda yee kaa o layaa too jangnaa no cofel. Jegiro samtirand leng, yaam kaa o jangnaa a ƭat Roog no ndigil.

YEGIL MBAAX NE YEESU ne Lik a bindtuuna 20:21 Referans Kwoze

Mace 22:16

A lula maa ten daalbe we den fo waa mbogna na qaaj ale Herood ee: «O Caajangin oxe, i anda yee o kiin o booru refo, too kaa o jangnaa a ƭat Roog no ndigil. A ƭat of yongee no leng itam, yaam naagiro o ɗeetaa ne wiin we a nandna.

Galati 1:10

Ndiiki koy, kaa felna wiin we um waaƭaa ndi kaa felna a Roog? Kaam ee ndax kaam waaƭaa o fel wiin we? Um maad’angaa o felaa wiin we, refkoogiim o paɗ Kiristaa.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

YEGIL MBAAX NE YEESU ne Saŋ a bindtuuna 3:2

A gara a soƥiid a Yeesu o yeng o njeek, soo a layin ee: «O Caajangin oxe! I anda xil ee o caajangin o inooru na Roog refo, yaam o leng waagee o fi xa anddiloor axe o fi’aa, Roog a refangee fo ten.»

Mark 12:14

A ngara, a layin ee: «O Caajangin oxe, i anda yee o kiin o booru refo. A ƭat of yongee no leng itam, yaam naagiro o ɗeetaa ne wiin we a nandna, too kaa o jangnaa a ƭat Roog no ndigil. Ndax i mbara o ndabid a Kesaar fee a bateer? I mbara o ndabid, ndi i mbaree o ndabid?»

A kim a tedu ke 55:21

O ɓay no koohod kaa dalaa took no we ta reeritna jam, ta maasand ngiɓoor um.

A kim a tedu ke 12:2

O Yaal oxe, ƴufgiidi, yaam jofu we owe mbagaa, ngor ne a moocaa a ndeer no wiin we.

Ke bindeena no xe ne’eena YOB 34:19

Naagee o fartaa wiin maak we, jegee njektirand ndeer o yaal halal oxe fo o ndool onqe, yaam den fop kaa ndef jale na xa ƥay um.

2 Caloori ke 19:7

Ndiiki koy, saɗaryo o Yaal oxe, mbootoox a paax yaa nu ƭegaa hate, yaam o Yaal oxe Roog in jaɓkee njofaƭar mbaat o farit o kiin mbaat o jaɓ o gerel.»

Galati 2:6

We ndeeƭna aa-adax we – ne ta foogit’eena yaaga too kaaga haaliraam, yaam Roog naagee o samtaa – wiin waaga ƥaat’iraam yiif dara.

YEGIL MBAAX NE YEESU ne Lik a bindtuuna 20:20

Kaa ngayoogu a Yeesu. A lula wiin waa mbi’ooxoogna nen jofu, ndax da mbogin. A cungooga ta juum no ɗelem, ndax da mbaagin o ƥoxot haahate waa fo gofornoor faa.

YEGIL MBAAX NE YEESU ne Lik a bindtuuna 20:22

Ndax i mbara o ndabid a Kesaar fee a bateer ndi nam?»