YEGIL MBAAX NE YEESU ne Lik a bindtuuna 20:14 - NQAARIIT NE ROOG

¹⁴ Kaa koy, yaa xooxoox waa a nga’uuna, a laya yee: ‹O lam oxe xe garaa. Fat i mbarin, ndax i njang ke ta war’ina o lam fop.›

YEGIL MBAAX NE YEESU ne Lik a bindtuuna 20:14 Referans Kwoze

O leetar ole Pool a bindna GIMU WE NGENNA ROM 8:17

Kaa i ndef xa ƥeem, ten taxu i njega a las no lam ne Roog a regna xeet um. Xan i lasrin fa Kiristaa, yaam i naangangaa o coono’aa fo ten, xan i mbog fo ten no ndam um itam.

Hebre 1:2

ndaa na pe akene, na ne’eel a paktaand ake, a laya fa in na pexey o Ƥeem. No ten Roog a saktu adna fee, too o ten Roog a jilu, ndax ta jeg fop.

A pi ake 3:15

Neene, nu mbarnoora o Kelwaar oxe na ci’taa o ñoow, ndaa Roog a xontooxnooraan a ndeer no xon we. Ten o mat i seede’anaa.

A pi ake 2:23

O kiin oxeene, kaa nu ƥoxotel o ten no ke Roog a heboox’ina. Keene koy, Roog kaa yuuɓ’un yaaga. Nu ndengaan na teex, ndax nu mbarnoorin na xa ƥay axe no we ndefeerna Yaawuur.

YEGIL MBAAX NE YEESU ne Lik a bindtuuna 22:2

Saasadax maak we fo jaajangin maak we no kebil ke Moyiis kaa mbaaƭoogu maa da mbaritna a Yeesu, ndaa kaa saɗar’u xeet faa.

YEGIL MBAAX NE YEESU ne Lik a bindtuuna 20:19

Jaajangin waa no kebil ke Moyiis fo saasadax maak waa a and’a a paax ee den taxu Yeesu a laytaa a naxax alaaga. Ten taxu kaa mbaaƭoogu maa da ndoonitna a Yeesu o ɓay na waxtu faaga sax sax ta layoogna, ndaa kaa saɗar’u xeet faa.

YEGIL MBAAX NE YEESU ne Lik a bindtuuna 20:5

Maaga a ñimatirooga yee: «Boo i ndoonuuna yee: ‹Na asamaan›, yaaga xan a lay ee: ‹Xar taxu boog nu ngimee no ten?›

YEGIL MBAAX NE YEESU ne Lik a bindtuuna 19:47

Na pe akaaga fop kam Mbind Roog naa a jangnoogu, too saasadax maak waa fo jaajangin waa no kebil ke fo kelfa kaa na xeet faa a mbaaƭooga maa da mbartuuna.

Mace 21:25

Batiise fee Saŋ, mam a inoor’u? Na asamaan ndi no wiin we?» Maaga, a ñimatirooga yee: «Boo i ndoonuuna yee: ‹Na asamaan a inoor’u›, yaaga xan a lay a in ee: ‹Xar taxu boog nu ngim’ee no ten?›

Mace 16:7

Maaga, daalbe we a layra yee: «Ne i saqeerna puuru taxu ta layaa keene.»

A kim a tedu ke 89:27

Xan a xoyaxam ee: ‹Wo refu Faap es, wo ref Roog es, ɓil jaɓnooxand es.›

A kim a tedu ke 2:8

Xeɗaam, too xam lasong qeet ke fop da ndef lamel of, o deegoox fop boo no cat adna.

Mace 21:34

Yaa a saxad alaa a fadna, a lula dag um maa no xooxoox waa, ndax da ƥisiidin xa tim um.

YEGIL MBAAX NE YEESU ne Lik a bindtuuna 20:13

O yaal a ƭing alaa a laya yee: ‹Xar um fi’kaa? Kaam lulkaa o ƥees onqe fexuuma, yaam ñakkiran o niw muk.›

YEGIL MBAAX NE YEESU ne Lik a bindtuuna 20:15

A ndamaan, a ƭooqin boo ta sutoox a ƭing alaa, soo a mbarin. Ii ndiiki koy, nam o yaal a ƭing ale a fi’kaa xooxoox waaga?