YEGIL MBAAX NE YEESU ne Lik a bindtuuna 20:13 - NQAARIIT NE ROOG

¹³ O yaal a ƭing alaa a laya yee: ‹Xar um fi’kaa? Kaam lulkaa o ƥees onqe fexuuma, yaam ñakkiran o niw muk.›

YEGIL MBAAX NE YEESU ne Lik a bindtuuna 20:13 Referans Kwoze

Mace 3:17

O ñuxur a nannoorta na asamaan ee: «Oxene refu o Ƥees onqe fexuuma fex, no ten felakinoortum.»

Yeremi 36:7

Xeƈa xan a tax da nqeɗoox o Yaal oxe, oxuu refna a fes a cinj a ƭat a paaxeer um, yaam fuux le fo say ole o Yaal oxe a regdinooxna xeet fene a magna.»

Yeremi 36:3

Xeƈa xan wiin we Yudaa a and taamaala fee yuuɓanuuma a den fop, ndax da mbes a cinj a ƭat a paaxeer ale den. Maaga, xam waasanit tooñ den fo pakaad den.»

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

O leetar ole Pool a bindna GIMU WE NGENNA ROM 8:3

Ke xoxna kebil ke Moyiis yaam o neew doole le no cer ke in, Roog a fadnaan ye ta luliidna o Ƥeem ŋaƈit, ta ɓoxot o ñis um, ndax ta forit bakaad fee. Kaa heblin ta saq cer nandu nen cer no paabakaad. Neene o mat Roog a xawtu bakaad fee no cer no kiin.

YEGIL MBAAX NE YEESU ne Saŋ a bindtuuna 1:34

Ga’aam, too seede’anaanum ee o ten refu o Ƥeenqe Roog.»

YEGIL MBAAX NE YEESU ne Lik a bindtuuna 9:35

A jega o ñuxur olaa nannoorna kam eel laa, too a lay ee: «Oxene refu o Ƥees onqe jiluuma. Nan-gilooxeenoo!»

Mace 17:5

Yaa ta maadna o layaa, eel xoolu a muura a den. A jega o ñuxur olaa nannoorna kam eel laa, too a lay ee: «Oxene refu o Ƥees onqe fexuuma fex, too no ten felakinoortum. Nan-gilooxeenoo!»

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Hoose 6:4

Um doon a den ee: «Wo Efrayim, ndi xar um fi’kang? Wo Yudaa itam, xar um fi’kang? O mbeq nuun kaa nand nen eel nqes, a nand fo a liim ale na yenaa no njeeƈ-tanqin.

Esayi 5:4

Ndax waag’aanum o fi’an kupu ke fi’uuma? Mexey yaakaarooga o jegit teen xa tim biiñ xa safu, soo ta dek a rimik kaa jaɓeerna no don.

Heseki’el 12:3

Wo fee o ƥiy no kiin, fi’ani a xoox of o fof o raayir, soo raay njoloor o mbuc na kid den. Jangoorti no mbiñ onqe refoona nen oxaa na ɓiseel took o hup doole, jof o mbiñ o lakas na kid den. Xeƈa xan da and ee xeet fa mbaafañ a ndefu.

YEGIL MBAAX NE YEESU ne Lik a bindtuuna 18:2

A laya yee: «A jeg’a na teeru, o kaahate xaa saɗar’eerna a Roog, too a ƭat um yongee no leng.

YEGIL MBAAX NE YEESU ne Lik a bindtuuna 18:4

Kaa koy, a miña lool, too dimle’iran. O kaahate xe a muj’ata o layaa taa no yiif um ee: ‹Refiim oxaa saɗarna a Roog, too a ƭat es yongee no leng.

YEGIL MBAAX NE YEESU ne Lik a bindtuuna 20:12

A dakooxa o lul o tadkandeer, da ngaañin, a sutin tafil.

YEGIL MBAAX NE YEESU ne Lik a bindtuuna 20:14

Kaa koy, yaa xooxoox waa a nga’uuna, a laya yee: ‹O lam oxe xe garaa. Fat i mbarin, ndax i njang ke ta war’ina o lam fop.›