YEGIL MBAAX NE YEESU ne Lik a bindtuuna 2:9 - NQAARIIT NE ROOG

⁹ Malaaka no Yaal oxe a feeñooxa a den, a qoolaand ale no ndam onqe no Yaal oxe a muur a den, too a ndiida ƭomu.

YEGIL MBAAX NE YEESU ne Lik a bindtuuna 2:9 Referans Kwoze

Esayi 60:1

«Wo Yeerusaleem, inooxi, meleƈi yaam a qoolaand of aley feeñaa, too o ndam onqe no Yaal oxe xe meleƈaa took of.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

Mbeeñil 18:1

Cinj kaaga, ga’aam malaaka fa lakas a fudoortiidaa na asamaan. A jega sañ-sañ fa maak, too a qoolaand ale inoor’ina no ndam um a xooland’a adna fee fop.

A pi ake 27:23

O xoo sax, Roog fee fogtuuma, too um faɗooxan a feeñlaxam malaaka um, ta layaam ee:

1 Maad we 8:11

boo saasadax we mbaag’atee o yoq maaga ndax da mbadin o far den, yaam eel le no ndam onqe no Yaal oxe kaa mayƭand’u Mbind ne no Yaal oxe.

A pi ake 5:19

Kaa koy, o yeng o njeek, malaaka no Yaal oxe a weta begax kaa na kaso faa, a sut a den, soo a lay a den ee:

YEGIL MBAAX NE YEESU ne Saŋ a bindtuuna 12:41

Keene kaa Esayi a lay’un, yaa ta ga’na o ndam onqaa Yeesu, a lay kaa jofna no ten.

YEGIL MBAAX NE YEESU ne Lik a bindtuuna 24:4

Rew we and’ee ke da mbar’ina o mbi. Maaga, goor ɗik a mbeeñooxa a den, a saq toki kaa na meleƈaa.

A sutax ale 16:7

O feet nqes xan nu nga o ndam onqe no Yaal oxe, yaam a nana o nqas onqe nu nqasanan, too andiim sax ke i ndefna bo nu nqasanaa a in.»

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

Hebre 12:21

Ke feeñoox’ina no joong olaaga fop kaa saɗarnoox’u, boo Moyiis fa xoox um sax a lay ee: «Kaam diid boo sendaa.»

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

A pi ake 12:7

Yaa fop a naagna yereŋ, malaaka no Yaal oxe a diga o feeñoox, too a qoolaand a meleƈa kam kaso fee. Malaaka fee a duqa a Piyeer no saax, a yokin soo a layin ee: «Naagi daket inoox!» Ndak fo ndak, a cengir ake a yenta na xa ƥay um.

YEGIL MBAAX NE YEESU ne Lik a bindtuuna 1:28

Malaaka fee a roka na ndok um, a lay a Mari yee: «Mexe simnang, wo fee daawna yirmande. O Yaal oxe xe fa wo.»

Mace 1:20

Ye ta xalaataa kaaga, malaaka no Yaal oxe a feeñooxaan no ƭaaɗ, a layin ee: «Yoseef, o ndaan Dawid, ba o saɗar o xot a Mari fee o toog of, yaam o ƥeenqe ta fudna, no Yiif Tedu le a inooru.

Heseki’el 3:23

Inooxaam soo sutoox kam a yulanq ale, too o ndam onqe no Yaal oxe a feeñooxa maaga, ne ga’it’anuuma deŋ paam o xuluɓ olaa Kebaar. Maaga, deɓooxaam a lanq gung.

Esayi 40:5

O ndam onqe no Yaal oxe xan a feeñ, too o kiin oo kiin xan a ga’in. Neene a refkaa, yaam no don no Yaal oxe a hatu.»

Esayi 35:2

Xan a may fo piɗ mosu, a mbecoox fo o ɗaay, a mbelakinoox soo a soroxole. Xan a cooxel o ndam onqe Libaŋ fo o mosel ole no joong ole Karmel fa Saron. Xan a nga o ndam onqe no Yaal oxe, o mosel Roog in.

A sutax ale 16:10

Ye Aaroon a maadna o layaa fo Ii-isra’el we, den fop a mbiƈaqilooxa farna fa koƥ-a-ƥor alaa, too o ndam onqe no Yaal oxe a feeña kam eel le.

YEGIL MBAAX NE YEESU ne Lik a bindtuuna 2:8

No jegel olaaga, a jeg’a gaynaak waa mbe’oogna na xa siir paal axaa, too a yetooxaa.