YEGIL MBAAX NE YEESU ne Lik a bindtuuna 2:7 - NQAARIIT NE ROOG

⁷ A ñoota a taaw um, ta ref o ƥiy o ngoor. A laxasaan ƭapax, a wondnin no mbalka, yaam nqeƈ’ee maa genar waa a ndaloogna.

YEGIL MBAAX NE YEESU ne Lik a bindtuuna 2:7 Referans Kwoze

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

Mace 1:25

Kaa koy, mos’ee o and ke ta refna boo neen a ñootu o ƥiy o ngoor onqaa, too a ne’aan Yeesu.

Mace 8:20

Yeesu a doonaan ee: «Xa ƥox-a-koƥ axe a njega qanq, tiiƭ ke na asamaan a njeg tut, ndaa o Ƥeenqe no kiin oxe jegee maa ta hakandooxna.»

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

Mace 13:55

Ndax kaa refee o ƥeenqe no taadaaƴ oxe? Andum refee o ƥeenqe Mari, too Saak fa Yoseef fa Simoŋ fa Yudaa a ndef xa teɓ um?

A kim a tedu ke 22:6

A ƈufginooxoogaang, too mucloogaa a den. A ngooloox’aang, too sedlandiro a den.

YEGIL MBAAX NE YEESU ne Lik a bindtuuna 10:34

A matiidaan, a ɗuumanin diwliin fa biiñ no kaañax ke, a laxasanin o ten, soo a ŋaaynin no faam um, a ɓisin no mbind naa genar we a ndalnoogeena, soo a topatooxin a paax.

A sutax ale 4:24

Ye da ndefna na ñaaƈ boo tige a yeng, a mbe’a o mbiñ. Maaga, o Yaal oxe a songaan, a bugin o war.

Mberaand 42:27

O leng na den a wokta o saaku um, ndax ta yipan o faam um ta ñaam no mbiñ onqaa da mbe’na, a ga xaaliis fee ten reeƭna no don ole no saaku le.

Mberaand 43:21

Cinj kaaga, ye i mbadiidna no mbiñ onqe i mbe’na, i mbokta xa saaku xe in, soo oxuu refna a soƥ xaaliis um no don ole no saaku le, ta ref a ref podne xaaliis fee in a reeƭna. I ƥislooxiidaan koy.

YEGIL MBAAX NE YEESU ne Lik a bindtuuna 2:6

Yaa da ndefna Betleheem, Mari a reeƭata na xa yeng um, too gaaj laa a roomaan.

YEGIL MBAAX NE YEESU ne Lik a bindtuuna 2:8

No jegel olaaga, a jeg’a gaynaak waa mbe’oogna na xa siir paal axaa, too a yetooxaa.