YEGIL MBAAX NE YEESU ne Lik a bindtuuna 2:41 - NQAARIIT NE ROOG

⁴¹ O hiid oluu fad’ina, we ndimna a Yeesu kaa ndetoogu Yeerusaleem na Xew fee na colandax ale.

YEGIL MBAAX NE YEESU ne Lik a bindtuuna 2:41 Referans Kwoze

A cangatin ale 12:18

Mbaambir no Yaal oxe Roog nuun nu ñaamitkaa a den no mbiñ onqe ta jilkaa, nuun fo xa ƥiy nuun xa koor fo xa tew, surga nuun fo jeefeer nuun fo Leelewi we ndefna a ndeer nuun, soo mbelakinooxaa mbaambir no Yaal oxe Roog nuun no ke nu njalna fop.

YEGIL MBAAX NE YEESU ne Saŋ a bindtuuna 2:13

Xew fee na colandax ale Yaawuur we a ndoofandoogna a mat’a, too Yeesu a reta Yeerusaleem.

1 Sami’el 1:21

Cinj kaaga, Elkana a yoona fo ƥasil um fop, da ndet Silo, ndax ta ɓoxot o Yaal oxe sadax ne ta fi’tooguuna o hiid oluu refna fo sadax fa mbadnir a tegit.

1 Sami’el 1:3

O hiid oluu refna koy, Elkana kaa inoortoogu Rama, a ret no saax laa Silo, ndax ta faɗoox o Yaal oxe Hupna fop, a ɓoxotin sadax. Xa ƥiy xa ƭaq axe Eeli, ndefna Hofni fa Finees, saasadax no Yaal oxe a ndeeƭu maaga.

A cangatin ale 16:16

Goor we na xeet nuun fat a ngaraa a caf a tadak o hiid oluu watna mbaambir no Yaal oxe Roog nuun no mbiñ onqe ta jilkaa, ta ref na Xew fee no puuru canja’e ke fo na Xew fee no pes ɓetuu ƭik takooxiidu ke fo na Xew fee no ƭiif ke. Ba nu ngar mbaambir no Yaal oxe koy fo xa ƥay xa ƥor,

A cangatin ale 12:11

Maaga, no mbiñ onqe o Yaal oxe Roog nuun a jilkaa ndax gon um a ƴufginooreel teen, fat nu ƥisiid fop ke hebluuma a nuun: sadax toxel ke nuun fo sadax camsa’oor ke nuun fo a seek xarɓaxayandeer ake nuun fo ci’it ke nuun fo sadax fa mbadnir a tegit nuun no Yaal oxe.

A lim ale 28:16

«No ñaal xarɓaxay fo ñaal nahkandeer ne no nqool o eetaand onqe no hiid ole, fat nu ndoofandan o Yaal oxe Xew fee na colandax ale.

A paɗax ale 23:5

«No ñaal xarɓaxay fo ñaal nahkandeer ne no nqool o eetaand onqe no hiid ole, na kid-a-caɓru kaa, fat nu ndoofandanaam Xew fee na colandax ale, mi o Yaal oxe.

A sutax ale 34:23

Neene, a caf a tadak o hiid oluu watna, goor we na xeet nuun fat a ngaraa me mi fee o Yaal oxe na refkaa boo faw, ref Roog fee Isra’el.

A sutax ale 12:14

Fat nu mbetandooxaa koy bes feene, ta ref bes faa nu ndoofandanaxam, mi o Yaal oxe. Fat nu ndoofandan, ta ref nen kebil naa faafkeerna boo na xa taan nuun.»

YEGIL MBAAX NE YEESU ne Saŋ a bindtuuna 13:1

Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.

YEGIL MBAAX NE YEESU ne Saŋ a bindtuuna 11:55

Xew fee na colandax ale a matiida, wiin mayu a ndet Yeerusaleem, a ƥogdinook.

YEGIL MBAAX NE YEESU ne Saŋ a bindtuuna 6:4

A soƥ’a koy bes fee na Colandax ale refna ref xew fee no Yaawuur we, a faambnoox.

A sutax ale 12:11

Boo nu ñaamaa a den, fat oxuu refna a humnoox no ndet, a rokoox xa ñaaƭ soo a saq o loq no ɓay um. Fat nu ñof o ñaam a den, yaam keene refu a Colandax ale mi, mi o Yaal oxe.

YEGIL MBAAX NE YEESU ne Lik a bindtuuna 2:42

Yaa Yeesu a jegna xa kiid xarɓaxay fo xa kiid xa ƭaq, a ndeta ne da mer’ina o mbi’aa, too Yeesu a yoona fa den.