YEGIL MBAAX NE YEESU ne Lik a bindtuuna 2:4 - NQAARIIT NE ROOG

⁴ Yoseef itam a inoora na teeru faa Nasaret no jegel olaa Galile, ndax ta ret na teeru faa Dawid, ne’eena Betleheem, no jegel olaa Yudee. Ten fa xoox um no kurcala le Dawid a fog’u.

YEGIL MBAAX NE YEESU ne Lik a bindtuuna 2:4 Referans Kwoze

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

YEGIL MBAAX NE YEESU ne Saŋ a bindtuuna 7:42

Kaa a Pind a Tedu ke layee yee Kiristaa fee no kurcala Dawid a hatkaa? Kaa ndoonee teen ee Betleheem fee refna teeru faa Dawid a waru o inoor?»

1 Sami’el 16:1

O Yaal oxe a laya a Sami’el ee: «Kaa o naqadilooxkaa na Sawul boo a mban? Mi o mat deɓaanum, ndax maadooxankatee a Isra’el. Mayƭandti o jan ole wo diwliin too retanaam Betleheem no mbind Isay, yaam jilaam na xa ƥeem o maad oxe deyaxama.»

YEGIL MBAAX NE YEESU ne Lik a bindtuuna 4:16

Yeesu a fadiida na teeru faa Nasaret maa ta yarooxna. Na bes fee na ñootnax ale, a roka kam mbind a qeƭ naa ne ta mer’ina o fi’aa. Maaga, a inooxa ndax ta jang a maak.

Mace 2:23

a genik na teeru faa Nasaret. Neene, ke reefandeena no duleer we a fadnooru: «Xan a xoyeel o Naanasaret.»

1 Sami’el 20:6

Boo faap of a jambataxam, fat o layin ee: ‹Dawid kaa xeɗooxaam, ndax um xaƴin ta ñof o ret Betleheem fee mbaafaap um a gar, yaam a qaw den fop kaa njeg maaga sadax fee da mbi’aa o hiid oluu refna.›

Ruut 4:17

Rew gentand we a layoogata yee: «Nowemi a jega o ƥiy.» Naaga, a moolana o njaaƈ onqe Obed. Obed feene refu faap Isay fee refna ref faap Dawid.

Ruut 4:11

Xeet faa fop ndeeƭna maaga fo maak waa a laya yee: «In o mat seede’u keene! Yaasam o Yaal oxe a fi o tew oxe na rokiidaa no mbind of a nand nen a Rakel fa Leya we ndimna xeet fee Isra’el. Yaasam o jeg halal na qaw ale Efrata, gon of a siw kam Betleheem,

Ruut 2:4

Maaga, Bowaas a inoortiida Betleheem, a gar a simin saasaxad we ten ee: «Yaasam o Yaal oxe a ref fa nuun!» A ndoonaan ee: «Yaasam o Yaal oxe a barke’ong!»

YEGIL MBAAX NE YEESU ne Saŋ a bindtuuna 1:46

Natana’el a foola, a layin ee: «Coo! Paax a waaga waag o inoor Nasaret?» Filip a doonaan ee: «Koo gari ga!»

1 Sami’el 17:58

Sawul a laamtaan ee: «O fes, o ƥiy an refo?» Dawid a doonaan ee: «O ƥiy no tag of Isay fee Betleheem refum.»

1 Sami’el 17:12

Dawid koy, o ƥiy Isay, o Ee-efrata xe gen’ina Betleheem fee Yudaa a reeƭu. Isay a jeg’a xa ƥiy xa koor ɓetaa tadaq, too na jamaane Sawul a soƥ’a ta nogoyat lool.

1 Sami’el 16:4

Sami’el a fi’a ke o Yaal oxe a lay’uuna. Ye ta rokaa Betleheem, maak waa na teeru faa a nqetooxiidaan, a sendaa soo a laamtin ee: «Mbaar a kar ale wo mene jam soom oo?»

Ruut 1:19

A yoona den ɗik boo Betleheem. Ye da ndokiidaa, teeru faa fop a yo’nooxa, too rew we a layrooga yee: «Mee ndax keeke Nowemi yoo!»

Mberaand 48:7

Ye inooruuma Padan, Rakel a xonta Kanaan na kid es, a soƥ i mbaambnoox a Efrata. Gasaanum maaga Betleheem, refna ref na ƭat ale Efrata.»

Mberaand 35:19

Rakel a xona, soo a gasel paam a ƭat ale Efrata, refna ref Betleheem.

Mace 1:20

Ye ta xalaataa kaaga, malaaka no Yaal oxe a feeñooxaan no ƭaaɗ, a layin ee: «Yoseef, o ndaan Dawid, ba o saɗar o xot a Mari fee o toog of, yaam o ƥeenqe ta fudna, no Yiif Tedu le a inooru.

YEGIL MBAAX NE YEESU ne Lik a bindtuuna 2:3

Wiin we fop a mbindookooga, oxuu refna no mbaafaap um.

YEGIL MBAAX NE YEESU ne Lik a bindtuuna 2:5

Maaga, a mbindooka, ten fa Mari fee o toog um, reeƭna o bodeer.