YEGIL MBAAX NE YEESU ne Lik a bindtuuna 2:36 - NQAARIIT NE ROOG

³⁶ A jeg’a o tuleer o tew o nogoyu xaa ne’’eena Xaan, a ref o ƥiy Fanwel, a fog no kurcala le Aseer. O toog oxaa andeerna adna a reeƭu boo neen a gilge. Ye ta gilgeena, a moofa fo o kor um boo xa kiid ɓetaa ƭaq,

YEGIL MBAAX NE YEESU ne Lik a bindtuuna 2:36 Referans Kwoze

A pi ake 21:9

O koor oxeene a jeg’a xa ƥiy xa tew xa nahaq xa tolooxafuleer. Roog weene a njo’tanooga a Roog.

A sutax ale 15:20

Miryam fee o cigeen Aaroon, refna o tuleer o tew, a saqa ñal no ɓay um, too rew waa fop a ndeefiidaan, oxuu refna fo ñal um soo a ndef no mbec.

1 Korint 12:1

Fog es, bugiim dara a mo a nuun no ke Yiif le Roog a ci’taa.

A pi ake 2:18

Ii, no ñaal kaaga xam fudniid Yiif es took no we na mbaɗooxaxam, goor fo rew, too xan a njo’tanaxam.

A kim a tedu ke 92:14

Kaa njimbel no Mbind ne no Yaal oxe, a neepaa no maax ole no mbind ne Roog in.

Ke bindeena no xe ne’eena YOB 5:26

Xan o ɗisel xa puum soo xonkaa, ne ngaaf a saxadteel na waxtu um.

2 Maad we 22:14

Hilkiya fee o saasadax oxe fa Ahikam fa Akboor fa Safan fa Asaya a ndeta maa Hulda fee o tuleer o tew oxe gen’ina no sinjaan qas ke Yeerusaleem. O kor um Saalum a ne’’e, a ref o ƥiy Tikwa fo o ndaan Harhas too a topatooxoogu toki tedu ke no Mbind Roog ne. A njangtooxa o tew oxe ke xew’ina.

Haahate we 4:4

No camaane kaaga, Debora fee o tuleer, reeƭna o tew Lapidot, hate’oogu kam Isra’el.

Mberaand 30:13

Leya a laya yee: «Ɗaayaam, yaam xan roog we a layaxam ee o ƭaayu xe.» A ne’a o ƥiy o ngoor onqaaga Aseer.

Mbeeñil 7:6

na carind ale Aseer cuni xarɓaxay fo cuni ƭik, na carind ale Neftali cuni xarɓaxay fo cuni ƭik, na carind ale Manaase cuni xarɓaxay fo cuni ƭik,

Yosuwe 19:24

Mbanjang ƥetkandeer ne a yena na qaw ake na carind ale Aseer.

1 Sami’el 1:2

Elkana a jeg’a rew ɗik, o leng oxe Xaan a ne’’e, o lakas oxe a ne’el Peninaa. Peninaa a jeg’a xa ƥiy, ndaa Xaan o mat, jeg’ee o ƥiy o leng.

Heseki’el 13:17

«Wo fee o ƥiy no kiin, wiƈaqilooxi farna fo mboƥ ndoog ne na xeet of na njo’taa katu na qeeñ den, too jo’tanaam a den

YEGIL MBAAX NE YEESU ne Lik a bindtuuna 2:35

A qalaat na qeeñ a mayu xan a mbeeñ, too wo fa xoox of sax, xan laƥ a fand o laaw of.»

YEGIL MBAAX NE YEESU ne Lik a bindtuuna 2:38

Yaa ta fadiidna ten itam na waxtu faaga, a simatooga a Roog, too a layaa kaa farna na Yeesu paam wiin we cungoogna a bat ale Yeerusaleem.

1 Korint 11:5

Kaa koy, o tew oxuu na xeɗaa mbaat ta jo’tanaa a Roog, too muxlooxee, oxeene, gaci rek a doonaa oxe kelfa’uuna itam. O tew um kaa nand nen o tew o tuusooxu ɓula.

1 Timote 3:2

Yaaga boog, o aa-adax waree o jeg ŋañel. Kaa war o dam no teem o leng soom, a ɓuuɓ, a fod no ke ta fi’aa, a fañ o hupal, o ñoowooƭ um itam ta jagandan, a dalnaa we na ngaraa no mbind um. A wara o ref o baagu a cangin itam.

1 Timote 5:9

Boo o ñaaw a waagaa o fog no ñaaw we na njalanaa o Yaal oxe, a wara o jeg xa kiid qarɓeen ɓetuu fa leng. Fat a ref itam oxaa andoona yee naa ta moofu, no kor o leng kut a damoox’u.