YEGIL MBAAX NE YEESU ne Lik a bindtuuna 2:32 - NQAARIIT NE ROOG

³² refna a qoolaand ale feeñna kam a saax ake, a ref o ndam Isra’el fee xeet of.»

YEGIL MBAAX NE YEESU ne Lik a bindtuuna 2:32 Referans Kwoze

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

A pi ake 26:23

Xan o Muumucil oxe regteena a coono, a ref oxe eetna o xontoox a ndeer no xon we, too xan a yegnaa xeet in fo qeet lakas ke a qoolaand ale.»

Esayi 9:2

O Yaal oxe, mayƭandaa xeet fee fa baneex, ci’in o ɗaay o maak. Kaa mbelakinooxaa mbaambir of ne o kiin a felakinoortaa yaa fo a saxad, nen xa ƈeel no waa na lasraa ke da njaɓitna na xire.

Mbeeñil 21:23

Teeru fee soxla’ee a qoolaand njeeƈ mbaat a qoor. O ndam onqe Roog na xoolandan, soo o Mbaal onqe a ref o jam um.

A pi ake 28:28

Pool a ɓaata teen ee: «Andyo boog ee we ndefeerna Yaawuur a mboga no we taxna waare feeke na muc ale Roog a lultel. Xan da nan-gilooxin!» [

Mace 4:16

xeet feene moofna no niɓaan ole a nga’a a qoolaand a maak. Took no waa moofna kam a pelyook ale na fa nqon fee, a qoolaand a yoɗooxa.»

Sakari 2:5

Yoɗaam a kid es too ga’aam kam mbeeñil o koor oxaa pokooxna o ƥaak o liiƥir.

Esayi 60:19

Njeeƈ ne refkatee a qoolaand of no ñaal ne, too a qoor ale refkatiran no yeng ole, yaam mi o Yaal oxe Roog of, xam xoolandang kili soo fudin took of meleƈ es fop.

Esayi 45:25

No Yaal oxe xa taan axe Isra’el fop a ndaawitkaa o cofel soo a mbakoox.

Esayi 4:2

A koom, xan dugatin le no Yaal oxe a refat o mosel fo o ndam no yoqatin we Isra’el, soo xa tim axe no saax le a ndefat o ɗaay fo o mosel na den.

A kim a tedu ke 85:9

Kaam nan-gilooxaa ke Roog o Yaal oxe a layaa. Jam fa ƥor a layanaa xeet um, we ndamooxna no ten, den we na ngeleerooxaa farna fo ten na qeeñ den.

1 Korint 1:31

ndax oxuu na fakooxaa, ta ref no Yaal oxe, ne ta bindteena.

YEGIL MBAAX NE YEESU ne Lik a bindtuuna 2:10

Kaa koy, malaaka fee a laya a den ee: «Ba nu ndiid, yaam kaam ɓisiid a nuun Yegil mbaax ne na ɗaayandkaa xeet fee fop.

Yeremi 2:11

Ndax a jega xeet faa na sofaa roog den, ke da ndefeerna ndef roog fop oo? Xeet es o mat a softaxam xa koɓong xa ƥor, mi fee o ndam um.

Esayi 11:10

A koom, xan saqit laa hatna na paƴ Isay a ref o anddiloor no qeet ke fop, a saax ake fop a njagniid me ten, too o ndam onqe xan a meleƈit no ngenand um.

Esayi 49:9

lay we ndameena yee: ‹Sutooxyo!›, soo we ndefna no niɓaan ole, o lay a den ee: ‹Mbeeñyo!› Xan a mbaag o suuf kam a ƭat ale too xan a njeg xa suufand na xa coong axe naangna halit.

Esayi 51:4

«Nuun xeet es, nan-gilooxaamoo a paax! Nuun a saax ake, ndungyo nof nuun farna fa mi, yaam a cangin ale na mi a inooraa, too a ƭat es na refkaa a qoolaand ale no qeet ke.

YEGIL MBAAX NE YEESU ne Lik a bindtuuna 2:31

A muc aleene jagand’oona mbaambir qeet ke fop,