YEGIL MBAAX NE YEESU ne Lik a bindtuuna 2:26 - NQAARIIT NE ROOG

²⁶ too a yegin’aan ee xonkee muk, too ga’ee a Kiristaa fee refna o Muumucil oxe o Yaal oxe a regitna.

YEGIL MBAAX NE YEESU ne Lik a bindtuuna 2:26 Referans Kwoze

YEGIL MBAAX NE YEESU ne Saŋ a bindtuuna 8:51

No ndigil, kaam ee oxuu gayna a ƭelem es, xonkee muk.»

Hebre 11:5

O ngim tax’u Henok a yoɗel, a ret paam Roog, too reefee na fa nqon. Cinj kaaga, o leng ga’atiran. Roog a seede’anaan ee a fel’aan yaaga yoɗafuliran.

YEGIL MBAAX NE YEESU ne Lik a bindtuuna 9:27

No ndigil, mexe layaa a nuun ee: Leng-leng no we ndefna meeke nqonkee, too nga’ee Maat ne Roog.»

A pi ake 2:36

Fat xeet fee Isra’el fop a and a paax ee Roog fi’u a Yeesu feene nu ndengna na kurwaa, ta ref o Yaal oxe fo o Muumucil oxe regteena.»

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

A pi ake 17:3

Kaa tektoogu a den a Pind a Tedu ke, too a lalaa a den teen ee Kiristaa fee, o Muumucil oxe regteena a war’a o coono, soo a xontoox a ndeer no xon we. Kaa layoogu a den ee: «Yeesu fee um yegnaa a nuun, refu Kiristaa fee, o Muumucil oxeene.»

A pi ake 9:20

Ndak fo ndak, a waare’ooga kam pind a qeƭ kaa yee Yeesu refu o Ƥeenqe Roog.

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

YEGIL MBAAX NE YEESU ne Saŋ a bindtuuna 4:29

«Ngela ngaryo nga o koor oxaa layaxama ke mosuuma o fi fop. Ndax refee Kiristaa fee o Muumucil oxe regteena?»

YEGIL MBAAX NE YEESU ne Saŋ a bindtuuna 1:41

Andare a eeta o fad maa Simoŋ fee o maag um, soo a layin ee: «Yegaa fo and ee i nga’a Oxe Roog a dodna.» (Kaa tekit ‹Kiristaa fee›.)

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

A kim a tedu ke 2:6

«Mi dalnu o maad es took Siyoŋ fee o joong o tedu le mi.»

A kim a tedu ke 2:2

Kaam ee xar taxu maad we na adna fee a mbapoox, kelfa ke a ngukranaa o Yaal oxe fo xe ta ɗuumna?

Mace 2:12

Maaga, Roog a maƭooxa a den no ƭaaɗ ee baa nomtoox maa Herood. A ndeefa a ƭat a lakas, soo a nqaad saate den.

YEGIL MBAAX NE YEESU ne Lik a bindtuuna 2:29

«Ndiiki koy o Yaal oxe, xaƴaam mi fee o paɗ of, um mooc na jam ne regtitanoona,