YEGIL MBAAX NE YEESU ne Lik a bindtuuna 2:14 - NQAARIIT NE ROOG

¹⁴ «Tedaanga a hela Roog took asamaan fa jam na adna, took no wiin we ta fexna.»

YEGIL MBAAX NE YEESU ne Lik a bindtuuna 2:14 Referans Kwoze

O leetar ole Pool a bindna GIMU WE NGENNA ROM 5:1

Yaaga boog, ne i ƭeeteena nen jofu yaam o ngim onqe, i njegata jam fa Roog na pexey o Yaal in Yeesu Kiristaa.

YEGIL MBAAX NE YEESU ne Lik a bindtuuna 19:38

Kaa layoogu yee: «O Maad oxe na garaa no gon le no Yaal oxe a hela simatel! Jam took asamaan fo o ndam took-ee-took!»

Kolos 1:20

Na Kiristaa, Roog a fi’u fop a njofooratin fo ten, a xotit no ke refna took lanq ke boo no ke refna na asamaan, a njamsa’oor fo ten na pexey fo’oy um le ta ɓaxna na kurwaa.

YEGIL MBAAX NE YEESU ne Lik a bindtuuna 1:79

ndax ta xooland we moofna no niɓaan ole fo we ndefna na pelyook fa nqon. Neene koy xan a ɗox a in, i ndeef a ƭat jam.»

Mbeeñil 5:13

Maaga, ke sakeena fop, ta ref na asamaan fo took lanq ke fo ɗuga lanq ke fo no maag ole, pindel ke kam adna fee fop, nanaam a den da ngimaa yee: «Yaasam Oxe moofna no gamb no maad le, o ten fo o Mbaal onqe a ndaaw a simat fo o niwel fo o ndam fa katil, bo na moos boo moos!»

Esayi 57:19

Xam fi da ƈeelaa fo o ɗaay yaam jam fee jagandan’eena we moƴna o ngoƭ nen we moƴna o mat.» Keene o Yaal oxe a layu. «Iyo, xam wodand xeet es.»

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

YEGIL MBAAX NE YEESU ne Saŋ a bindtuuna 17:4

Ɓoxotaaxoong o ndam na adna fee, muuk calel ke sep’axamoona.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

Filip 2:11

soo o kiin oo kiin a lay ee Yeesu Kiristaa refu o Yaal oxe, Roog Faap fee a ɓoxotel o ndam no ten.

YEGIL MBAAX NE YEESU ne Lik a bindtuuna 3:22

too Yiif Tedu le a fudooxiida took um, a saxit nen cer a nuukuur. O ñuxur a nannoorta na asamaan ee: «Wo refu o Ƥees onqe fexuuma fex, na wo felakinoortum.»

Mace 21:9

Wiin mayu we adoox’ina a Yeesu fo we ndeefan’uuna kaa mbalalooxoogu yee: «Hoosiyana, o Ndaan Dawid! Oxe na garaa no gon le no Yaal oxe a hela simatel. Hoosiyana took-ee-took asamaan!»

Esayi 49:13

Wo asamaan, lalti o ɗaay of, lanq ke, mbelakinooxyo, nuun xa coong axe, mbecooxyo fo xa ƈeel, yaam o Yaal oxe xe yaalaa xeet um, soo a yirmaa toroxu we ten.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.

Esayi 44:23

Asamaan, lalti o ɗaay of, yaam o Yaal oxe fi’u keene. Nuun qooƭ ke no lanq ke, mbelakinooxyo. Nuun xa coong axe fo a suungaan ake fo taxar den, mbecooxyo too ndef no ɗaay, yaam o Yaal oxe a wata a Yakoob, a feeñil o ndam um na Isra’el.»

Filip 2:13

yaam Roog na sakaa na nuun a posax fo a pi ne ta bugtuuna, too paax oo.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

Efees 2:4

Kaa koy, o paaxel ole Roog fo o mbeq onqe ta jegna na in kaa magin lool.

YEGIL MBAAX NE YEESU ne Saŋ a bindtuuna 14:27

Mexe xaƴtaa a nuun jam es, kaam ee ci’aam a nuun jam es. Kaa koy ci’titinum ne adna fee a ci’titaa. Ba nu njaaxiɗ, too ba nu ndiid.

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

Mise 5:5

Weene xan a maadooxan saax le Asuur fo laƥ, a maadooxan saax le Nimrood fo ƥonax mboose. Neene o maad oxe na jam fee a watitkaa a in no Aa-asuur we, yaa da songiidkaa saax le in, boo a caf ake den a ndak no fiisel ole in.

YEGIL MBAAX NE YEESU ne Lik a bindtuuna 2:13

Ndak fo ndak, malaaka mayu a mbeeña suungaan na asamaan paam malaaka faaga. A simatooga a Roog, a layaa yee:

YEGIL MBAAX NE YEESU ne Lik a bindtuuna 2:15

Yaa malaaka kaa a inooxna maa den, too a nomtoox na asamaan, gaynaak waa a layrooga yee: «Fat i ndet boo Betleheem, ndax i nga ke xewna maaga, ke o Yaal oxe a yeginna a in.»