YEGIL MBAAX NE YEESU ne Lik a bindtuuna 2:11 - NQAARIIT NE ROOG

¹¹ Kam o yeng olene, na teeru faa Dawid, nu ndimane o Muumucil. Ten refu Kiristaa, o Yaal oxe.

YEGIL MBAAX NE YEESU ne Lik a bindtuuna 2:11 Referans Kwoze

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

Mace 1:21

Xan a ñoot o ƥiy o ngoor, too fat o ne’in Yeesu, yaam ten na mucilkaa xeet um no pakaad den.»

A pi ake 2:36

Fat xeet fee Isra’el fop a and a paax ee Roog fi’u a Yeesu feene nu ndengna na kurwaa, ta ref o Yaal oxe fo o Muumucil oxe regteena.»

Mace 16:16

Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»

YEGIL MBAAX NE YEESU ne Lik a bindtuuna 1:43

Ey waay, nam ya no Yaal oxe mi a jaɓtu o garit a paam es?

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

Filip 2:11

soo o kiin oo kiin a lay ee Yeesu Kiristaa refu o Yaal oxe, Roog Faap fee a ɓoxotel o ndam no ten.

YEGIL MBAAX NE YEESU ne Saŋ a bindtuuna 4:42

boo a layataa o tew oxe yee: «Refatee yee ke layoona taxu i ngim no ten, yaam i nanana a qoox in, too i anda xil ee ten refu o Muumucil adna.»

YEGIL MBAAX NE YEESU ne Lik a bindtuuna 2:4

Yoseef itam a inoora na teeru faa Nasaret no jegel olaa Galile, ndax ta ret na teeru faa Dawid, ne’eena Betleheem, no jegel olaa Yudee. Ten fa xoox um no kurcala le Dawid a fog’u.

Mace 1:16

Yakoob rimu a Yoseef, o fes Mari fee refna ya Yeesu, too ta xoyeel Kiristaa fee o Muumucil oxe regteena.

1 Korint 15:47

O kiin o eetaand oxe kaa hat no lanq, a ref laalanq, o ƭikandeer oxe a inoor na asamaan.

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

YEGIL MBAAX NE YEESU ne Saŋ a bindtuuna 1:45

Filip oo, a xeta fa Natana’el, soo a layin ee: «I nga’a oxe Moyiis a bindna no kebil ke, duleer we a lay kaa jofna no ten, ta ref Yeesu o Naanasaret oxe, o ƥiy Yoseef.»

A pi ake 17:3

Kaa tektoogu a den a Pind a Tedu ke, too a lalaa a den teen ee Kiristaa fee, o Muumucil oxe regteena a war’a o coono, soo a xontoox a ndeer no xon we. Kaa layoogu a den ee: «Yeesu fee um yegnaa a nuun, refu Kiristaa fee, o Muumucil oxeene.»

A pi ake 5:31

Roog fa xoox um yoɗun itam, ta moofik na ñamaak um, a dodin o Maad fo o Muumucil, ndax ta ci xeet fee Isra’el da mbes pakaad den a cinj, too a ndaaw a baasan ale.

YEGIL MBAAX NE YEESU ne Saŋ a bindtuuna 6:69

In koy, i ngima, too i anda yee wo refu o Tedu xe hatna na Roog.»

YEGIL MBAAX NE YEESU ne Saŋ a bindtuuna 1:41

Andare a eeta o fad maa Simoŋ fee o maag um, soo a layin ee: «Yegaa fo and ee i nga’a Oxe Roog a dodna.» (Kaa tekit ‹Kiristaa fee›.)

Mace 16:20

Yeesu a maƭooxa a den ee baa lay o leng ee o ten refu Kiristaa fee.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

Kolos 2:6

Neene boog, ne nu njaɓna a Kiristaa Yeesu nen o Yaal nuun, ñoowyo fo ten.

Filip 3:8

Refee keene soom koy. Kaam ɗeetat fop nen kasaara yaam ke moƴna o jeg o njiriiñ no fop, ta ref o and a Kiristaa Yeesu fee o Yaal es, taxna um fes lakas ke fop a cinj. Lakas keene, kaam ɗeetaa a den nen a siind, ndax um waag o jeg a Kiristaa.

YEGIL MBAAX NE YEESU ne Saŋ a bindtuuna 11:27

A layaan ee: «Ii, o Yaal oxe, gimaam ee wo refu Kiristaa fee, o Muumucil oxe regteena, o Ƥiy Roog onqe war’ina o gar na adna fee.»

YEGIL MBAAX NE YEESU ne Saŋ a bindtuuna 7:41

Lakas we koy, kaa layoogu yee: «Ten refu Kiristaa fee o Muumucil oxe regteena.» Wene a mbodit mene a ndamtin na: «Ca! Ndax Kiristaa fee a waaga o hat Galile?

YEGIL MBAAX NE YEESU ne Lik a bindtuuna 2:26

too a yegin’aan ee xonkee muk, too ga’ee a Kiristaa fee refna o Muumucil oxe o Yaal oxe a regitna.

YEGIL MBAAX NE YEESU ne Lik a bindtuuna 1:69

A ci’a a in o Muumucil o mayu katil kam mbind Dawid fee o paɗ um,

A kim a tedu ke 2:2

Kaam ee xar taxu maad we na adna fee a mbapoox, kelfa ke a ngukranaa o Yaal oxe fo xe ta ɗuumna?

YEGIL MBAAX NE YEESU ne Saŋ a bindtuuna 4:25

O tew oxe a layaan ee: «Andaam ee o Muumucil oxe regteena, too ta xoyeel Kiristaa fee, xan a gar. Yaa ta garkaa xan a xoolandan a in kuu refna.»

A pi ake 13:23

Yeesu o ndaan Dawid a reeƭu. Kaa Roog a dodanin xeet fee Isra’el, ta ref o Muumucil den ne ta regtituuna.