YEGIL MBAAX NE YEESU ne Lik a bindtuuna 2:10 - NQAARIIT NE ROOG

¹⁰ Kaa koy, malaaka fee a laya a den ee: «Ba nu ndiid, yaam kaam ɓisiid a nuun Yegil mbaax ne na ɗaayandkaa xeet fee fop.

YEGIL MBAAX NE YEESU ne Lik a bindtuuna 2:10 Referans Kwoze

Esayi 40:9

Ŋaayi took o joong o jiig, wo Siyoŋ fee na yegnitiidaa yegil mbaax ne. Kaam ee fat o ñuxur of a jib took, wo Yeerusaleem fee na ɓisiidaa o nan o felu le. Jibneen, too ba o saɗar dara. Layi teeru ke Yudaa yee: «Roog nuun oxey!»

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

Esayi 52:7

Ndaw o jaf o mosu took xa coong axe, no xaa na yegnitaa yegil mbaax! Kaa yegnitaa jam fa baneex fo a muc, soo a layang, wo Siyoŋ ee: «Roog of refu o maad of.»

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

Mace 14:27

Ndak fo ndak, Yeesu a laya a den ee: «Saƭakinooxyo! Ba nu ndiid! Mi yoo!»

YEGIL MBAAX NE YEESU ne Lik a bindtuuna 1:30

Malaaka fee a dakooxaan o lay ee: «Ba o saɗar dara Mari, yaam Roog a ci’aang yirmande.

Esayi 41:27

Mi refu oxe eetna o yegnit Siyoŋ ee: ‹Nga’yo, owey a ngaraa›, oxe na ɓisiidaa o nan o felu le, um lulin Yeerusaleem

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

A pi ake 13:32

In oo, kaa i yegnaa a nuun Yegil mbaax nene: Ke Roog a reg’ina daan we in,

YEGIL MBAAX NE YEESU ne Lik a bindtuuna 24:47

soo qeet ke fop a mbaare’el, a eetit Yeerusaleem, ndax da mbes pakaad den a cinj, a ndaaw a baasan ale no pakaad ke no gon um.

YEGIL MBAAX NE YEESU ne Lik a bindtuuna 8:1

Cinj kaaga, Yeesu a retooga ndeer saate fa saate a waare’aa, too a yegnitaa Yegil mbaax ne no Maat ne Roog. Xarɓaxay fo ɗik waa a ndeefanaan.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

YEGIL MBAAX NE YEESU ne Lik a bindtuuna 1:19

Malaaka fee a doonaan ee: «Mi yoo Gaburi’el, na geenooxaa mbaambir Roog. Kaam luliidel me wo, ndax um layong yegil mbaax neene.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

YEGIL MBAAX NE YEESU ne Lik a bindtuuna 1:13

Kaa koy, malaaka fee a layaan ee: «Ba o diid Sakari, yaam Roog a jaɓa a qeƭ of. Xan o teef Elisabet a ñoot o ƥiy o ngoor, too fat o ne’in Saŋ.

Mark 1:15

Kaa layoogu yee: «Waxtu fee a fada, too Maat ne Roog a matiida. Mbesyo pakaad nuun a cinj, too njaɓ Yegil mbaax ne.»

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

O leetar ole Pool a bindna GIMU WE NGENNA ROM 10:15

Kaam ee nam a waare’itkeel, yaa o leng a lulaandeena? Yaag oo toox de, a Pind a Tedu ke kaa lay ee: «Ndaw o jaf o mosu, no xaa na yegnitaa yegil mbaax!»

Mark 16:15

Yeesu a laya a den ee: «Ndetyo kam adna fee fop, mbaare’ik we mbindeena fop Yegil mbaax ne.

Mace 28:5

Malaaka faa a laya rew we yee: «Nuun o mat, ba nu ndiid, yaam andaam ee Yeesu fee rengeena na kurwaa nu mbaaƭaa.

Dañel 10:19

Cinj kaaga, a layaxam ee: ‹O koor oxe Roog a fexna, ba o saɗar! Dara damkirang! Saƭakinooxi, jeg njambaar!› Ne ta layoogna fa mi, doole es a nomtooxiida, too layaam ee: ‹O yaal es, layi, yaam saƭakinaxamo.›

Esayi 52:10

O Yaal oxe kaa lalaa qeet ke fop o ɓay o tedu le ten, too a muc ale Roog in xan a feeñ boo no cat adna.

YEGIL MBAAX NE YEESU ne Lik a bindtuuna 2:11

Kam o yeng olene, na teeru faa Dawid, nu ndimane o Muumucil. Ten refu Kiristaa, o Yaal oxe.