YEGIL MBAAX NE YEESU ne Lik a bindtuuna 19:8 - NQAARIIT NE ROOG

⁸ Kaa koy, Sake a inooxa, a geenoox soo a lay o Yaal oxe yee: «O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»

YEGIL MBAAX NE YEESU ne Lik a bindtuuna 19:8 Referans Kwoze

2 Sami’el 12:6

Ne ta fi’na keene took o ñak yirmande, a wara o dakin o mbaal onqe boo a caf a nahak.»

A lim ale 5:7

A wara o weejil bakaad um, a rabid o kend um soo a ɓaat teen a seek a ƥetkandeer no ke ta rabidna.

Xa peƭit axe 6:31

A ga’ange, xan a nomit boo a caf ɓetaa ƭaq ke ta jangna, a cooxit fop ke ta jegna no mbind um.

YEGIL MBAAX NE YEESU ne Lik a bindtuuna 12:33

Njikooxyo ke nu njegna fop, soo ndimle’tin rool we. Mbaaƭanyo a qoox nuun o geekand o yaqukeer muk, ndax halal nuun a miñ na asamaan maa guuɗ we a matiidkeerna fo maa max ke a naangeerna o yaqtaa tus.

YEGIL MBAAX NE YEESU ne Lik a bindtuuna 16:9

Ten taxu mexe layaa a nuun ee: Nqaariitoorityo kalal leweer ke na adna fee, ndax a kasaara’ooxangaa, nu njaɓel kam pind paafkeer kaa.

1 Sami’el 12:3

Mexey mbaambir nuun! Um jegangaa ƥanjel, ƥanjaamoo mbaambir no Yaal oxe fo mbaambir o maad oxe ta jilna. Ndax jangaam nqoox no kiin mbaat o faam um? Ndax naxaam o kiin mbaat um toroxandin? Ndax mosaam o jaɓ neexil no kiin ndax ga’kiim a pi um? A refangaa, too a jega, xam nomit a nuun baasnoor.»

YEGIL MBAAX NE YEESU ne Lik a bindtuuna 11:41

Kaa nu mbar o sadax rool we kañ ke refna kam fee, too yaaga xan fop a xool na nuun.

YEGIL MBAAX NE YEESU ne Lik a bindtuuna 7:13

Yeesu a ga’a o tew oxe, ta yuɗin, too a layaan ee: «Ba o lool!»

A kim a tedu ke 41:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

A sutax ale 20:16

Seede’ankiro o kend of na xa maaƥ.

Heseki’el 33:15

A daknangaa ke ta tayle’eena mbaat ke ta guuɗna, a fi’atangee njofaƭar, ndax a reefaa bargal ke no ñoow ole, xonkee, too a woora yee xan a ñoow.

YEGIL MBAAX NE YEESU ne Lik a bindtuuna 7:19

too a lul a den maa no Yaal oxe, ndax da laamtin ee: «Wo refu oxe warna o gar, ndi kaa i mbar o cung o lakas?»

YEGIL MBAAX NE YEESU ne Lik a bindtuuna 19:7

ndaa waa nga’na kaaga fop a ñunqumtilooxooga yee: «Ɗeeti Yeesu a dalik no mbind no koor o paabakaad!»