YEGIL MBAAX NE YEESU ne Lik a bindtuuna 19:5 - NQAARIIT NE ROOG

⁵ Yaa Yeesu a fadiidna no mbiñ onqaaga, a daxaaƴooxa, soo a layin ee: «Heey Sake, ñofandi fudooxiid, yaam no mbind of bugum o dal xaye.»

YEGIL MBAAX NE YEESU ne Lik a bindtuuna 19:5 Referans Kwoze

Mbeeñil 3:20

Nan-gilooxi! Mexey no ndokand ne koŋ-koŋnaa. Oxuu nanna o ñuxur es, soo a wet begax ne, xam rok me ten, fog fo ten o roon, too ten itam xan a ñaam fa mi.

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

Hebre 13:2

Ba nu mbeecit muk ee, nu mbara o ndalnaa we na ngaraa me nuun. Leng-leng we mbesoorna neene, a ndalna malaaka sax too andiran.

YEGIL MBAAX NE YEESU ne Saŋ a bindtuuna 1:48

Natana’el a layaan ee: «Ndi mam andtaxamo boo layaa kene?» Yeesu a doonaan ee: «Yaaga Filip xoyafulirang, a soƥ o ref yoora ndun naa ga’oong.»

Efees 3:17

Kaam xeɗaa, ndax Kiristaa a gen kam a qeeñ nuun na pexey o ngim nuun. Kaam xeɗaa itam nu sax no mbeq onqe, ndamoox, saƭik teen.

YEGIL MBAAX NE YEESU ne Lik a bindtuuna 19:10

Yaam o Ƥeenqe no kiin oxe kaa waaƭiid too a mucliid ke mo’na.»

Heseki’el 16:6

Reefaam paam of, ga’ong o luuñaa kam fo’oy of soo um layong ee: Ñoowi ke refoona kam fo’oy of fop oo! Kaam ee: Ñoowi ke refoona kam fo’oy of fop oo!

O baawaare xe 9:10

Kuu waagoona o fi’it doole of, fi’een, yaam kam jaaniif fee o jofaa jegee a pi mbaat a qalaat, o and mbaat o jeg-yiif.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

YEGIL MBAAX NE YEESU ne Lik a bindtuuna 19:2

A jeg’a maaga o koor o mayu halal oxaa ne’eena Sake, a ref o aa-adax no waa ndabdinooxoogna juuti.

YEGIL MBAAX NE YEESU ne Lik a bindtuuna 19:4

Naaga, a dalfooxa o ƴuf a adook, soo a ŋaay no ndaxar naa yoorooxna a ƭat alaa, ndax ta ga’in, yaam maaga Yeesu a war’u o reef.

YEGIL MBAAX NE YEESU ne Lik a bindtuuna 19:6

Sake a ñofa o fudoox, soo a ret a ɓis a Yeesu no mbind um ndax ta dalnin. Sake a sawar’a lool,