YEGIL MBAAX NE YEESU ne Lik a bindtuuna 19:47 - NQAARIIT NE ROOG

⁴⁷ Na pe akaaga fop kam Mbind Roog naa a jangnoogu, too saasadax maak waa fo jaajangin waa no kebil ke fo kelfa kaa na xeet faa a mbaaƭooga maa da mbartuuna.

YEGIL MBAAX NE YEESU ne Lik a bindtuuna 19:47 Referans Kwoze

Mark 11:18

Saasadax maak waa fo jaajangin waa no kebil kaa Moyiis a nana kaaga, too kaa mbaaƭoogu naa da mbartuuna. Kaa saɗar’un, yaam wiin we fop kaa sawar’u na cangin ale ten.

Mace 26:55

Na waxtu faaga, Yeesu a laya faan laa yee: «Kaa nu ngaraa, mbi nen waa na mbelaa o kuuɗ, saq laƥ fo xa ƭong ndax nu ndamaam. Yaag oo toox de, bes fuu refna a ndeer nuun moofoogum, jangnaa kam Mbind Roog ne, too nu ndam’iraam.

YEGIL MBAAX NE YEESU ne Saŋ a bindtuuna 18:20

Yeesu a doonaan ee: «Naa moofum o don es took a layaa, kaam jangnaa kam pind a qeƭ ke, kam Mbind Roog ne Yaawuur we fop a ndefaa. Jegee dara kaa layuuma na pet.

YEGIL MBAAX NE YEESU ne Saŋ a bindtuuna 10:39

Maaga, a ndakooxa o mbaaƭaa maa da ndamtuuna, ndaa a ɓostooxa a den.

YEGIL MBAAX NE YEESU ne Saŋ a bindtuuna 7:44

Leng we kaa mbug’un o ndam a mbegnin, ndaa o leng duq’iran.

YEGIL MBAAX NE YEESU ne Saŋ a bindtuuna 7:19

Kaa refee yee Moyiis cooxu a nuun kebil ke? O leng na nuun boo nu nqet naagee o fi’aa ke kebil ke a simitna. Xar taxu nu mbaaƭaa maa nu saktaxama pexey?»

Mark 14:1

Xew fee na colandax ale fa fee no puuru canja’e ke ñaal ƭik soom a yoq’u. Saasadax maak we fo jaajangin we no kebil ke Moyiis kaa mbaaƭoogu maa da ndamitna a Yeesu no ƴiƴ, soo a mbarin.

Mark 12:12

Aa-adax we a mbaaƭooga naa da ndamtuuna, yaam a and’a xil ee den o mat taxu Yeesu a lay a naxax aleene. Kaa koy, kaa saɗar’u wiin mayu waa. Ten taxu a nqaƴaan, soo a ndet.

Mace 21:23

Yeesu a roka no Mbind Roog naa. Yaa ta jangnaa, saasadax maak waa fo maak waa na xeet faa a ngara, a laamtin ee: «Sañ-sañ fum o fi’taa kene? An ci’ong sañ-sañ fene?»

Mark 14:49

Yaag oo toox de, bes fuu refna, a ndeer nuun refoogum, jangnaa kam Mbind Roog ne, too nu ndamiraam. Kaa koy, fat a Pind a Tedu ke a mbadnoox.»

YEGIL MBAAX NE YEESU ne Lik a bindtuuna 19:48

Kaa koy, njeg’ee pexey naa da mbi’tuuna, yaam xeet faa fop kaa ndeeroogun cay, a nan-gilooxan.

YEGIL MBAAX NE YEESU ne Lik a bindtuuna 20:19

Jaajangin waa no kebil ke Moyiis fo saasadax maak waa a and’a a paax ee den taxu Yeesu a laytaa a naxax alaaga. Ten taxu kaa mbaaƭoogu maa da ndoonitna a Yeesu o ɓay na waxtu faaga sax sax ta layoogna, ndaa kaa saɗar’u xeet faa.