YEGIL MBAAX NE YEESU ne Lik a bindtuuna 19:46 - NQAARIIT NE ROOG

⁴⁶ A laya a den ee: «A Pind a Tedu ke a laya yee: ‹Mbind es, mbind a qeƭ a refkaa.› Nuun o mat, kaa nu mbi’in ngol no guuɗ.»

YEGIL MBAAX NE YEESU ne Lik a bindtuuna 19:46 Referans Kwoze

Esayi 56:7

xam ɓisiid a den took o joong o tedu le mi. Xam mayƭand a den fo o ɗaay kam Mbind a qeƭ ne mi, jaɓ sadax toxel ke fo sadax lakas ke da ƥoxotkaxam fop took o sadaxand ole mi, yaam Mbind es xan a xoyeel Mbind a qeƭ no qeet ke fop.»

Yeremi 7:11

Ndax kaa nu mbi Mbind nene kesaneema ngol no guuɗ? Keene ga’um mi fa xoox es. Mi o Yaal oxe layun.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Heseki’el 43:12

Keeke refu kebil ne no Mbind Roog ne: Took o jul ole no joong ole, ke widna fop me ta dayna kaa ted lool. Keene refu boog kebil ne no Mbind Roog ne.»

A kim a tedu ke 93:5

Bargal ke wo kaa mboor kaŋ. O Yaal oxe, o tedel refu mosandir mbind ne wo boo maa camaane ke a ndaykaa.

Hoose 12:7

Ndiiki koy, nuun xa taan axe Yakoob, nomtooxiidyo me Roog nuun, ngay o mbeq fo o cofel, too yaakaar kili a Roog nuun.

Mace 21:13

Maaga, a laya a den ee: «A Pind a Tedu ke a laya yee: ‹Mbind es xan a xoyeel mbind a qeƭ.› Nuun o mat, kaa nu mbi’in ngol no guuɗ.»

Mark 11:17

A jangnooga a den, too a layaa yee: «Ndax a Pind a Tedu ke layee yee: ‹Mbind es xan a xoyeel mbind a qeƭ no qeet ke fop›? Nuun o mat, kaa nu mbi’in ngol no guuɗ.»