YEGIL MBAAX NE YEESU ne Lik a bindtuuna 19:29 - NQAARIIT NE ROOG

²⁹ Yaa da mbaambnooxna a Betfage fa Betani, farna fo o Joong olaa no taxar oliiw kaa, Yeesu a lula ɗik no daalbe we ten,

YEGIL MBAAX NE YEESU ne Lik a bindtuuna 19:29 Referans Kwoze

Mace 21:17

Yeesu a waasa a den maaga, soo a sutoox, a ret a fe’ik na saate faa Betani.

A pi ake 1:12

Maaga, apootar we a nomtooxiida Yeerusaleem, a inoortiid no joong olaa xoyoogeena o Joong ole no taxar oliiw kaa, reeƭna paam Yeerusaleem. O koƭel um a fodir’a fo ke ci’teena o ñaaƴel na bes fee na ñootnax ale.

Sakari 14:4

A koom, xan a dak a caf um took o joong ole no taxar Oliiw ke jasnoorna fa Yeerusaleem te no batand, too o joong ole no taxar Oliiw kaa xan a qaacoox a ndeer, a xotit no batand boo a sip no mudand, a refat a yulanq a maak, soo a seek a leng ale a riƈatoox te no ɓemb-roog o janoon, a seek a lakas ale te no ɓemb-roog o ñamaak.

YEGIL MBAAX NE YEESU ne Lik a bindtuuna 24:50

Yeesu a ɓisa a den boo Betani, too a yoɗa xa ƥay um, a barke a den.

YEGIL MBAAX NE YEESU ne Lik a bindtuuna 22:39

Yeesu a sutooxa, soo a ret farna fo Joong olaa no taxar oliiw kaa, maa ta mer’ina o retaa. Maaga, daalbe we ten a ndeefanaan.

YEGIL MBAAX NE YEESU ne Lik a bindtuuna 21:37

Ñaal nuu fad’ina Yeesu a jangnooga kam Mbind Roog naa, soo no yeng ole ta fe’ik no Joong olaa no taxar oliiw kaa.

YEGIL MBAAX NE YEESU ne Lik a bindtuuna 19:37

Yaa da mbaambnooxna Yeerusaleem, farna fa pudin alaa no Joong olaa no taxar oliiw kaa, faan laa no daalbe waa fop a sawara, a simataa a Roog a maak yaam a pi katil ake da nga’’ina.

YEGIL MBAAX NE YEESU ne Lik a bindtuuna 19:30

a lay a den ee: «Ndetyo na saate fee refna mbaambir nuun. Nu mbadangaa boo ndok, xan nu soƥ maaga o mol o mbaam onqaa humeena, too o leng mosiran o ŋaay. Mbokteenoo, ƥisiidaam o ten.