YEGIL MBAAX NE YEESU ne Lik a bindtuuna 19:28 - NQAARIIT NE ROOG

²⁸ A cinj yaa ta layna kaaga, Yeesu a adooxa, faan laa a ndeef took um, da mbaaƭik a Yeerusaleem.

YEGIL MBAAX NE YEESU ne Lik a bindtuuna 19:28 Referans Kwoze

YEGIL MBAAX NE YEESU ne Lik a bindtuuna 9:51

Yaa jamaane faa Yeesu a war’ina o inoor na adna fee, a ret na asamaan a matiidna, Yeesu a hebooxa o ret Yeerusaleem.

1 Piyeer 4:1

Ne Kiristaa a coono’itna no cer ke boog, nuun itam, saƭkityo neene, yaam oxe coono’na no cer um, a ƴutoora fa bakaad.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

YEGIL MBAAX NE YEESU ne Lik a bindtuuna 18:31

Yeesu a xoya xarɓaxay fo ɗik waa, too a lay a den ee: «In we ndetaa Yeerusaleem, too ke duleer we a mbind’ina no Ƥeenqe no kiin oxe fop xan a fadnoox.

YEGIL MBAAX NE YEESU ne Lik a bindtuuna 12:50

Kaam war o jaɓ batiise fa ƭomu, ndaa bug’iim o ñaam jamaane es too fadninum.

YEGIL MBAAX NE YEESU ne Saŋ a bindtuuna 18:11

Yeesu a laya a Piyeer ee: «Nomti laƥ ne no xool um. Ndax kaa yerkiim o kaas coono le Faap fee a sepaxama?»

YEGIL MBAAX NE YEESU ne Lik a bindtuuna 10:30

Maaga, Yeesu a doonaan ee: «O koor a inoor’a Yeerusaleem, a retaa Yeriko. Yaa ta retaa boo na ƭat ale, guuɗ a songaan, a njaɓ tikoorik um. A nqawaan boo a ngaañin soo a ndet, a nqaƴin maaga ta meeñaa.