YEGIL MBAAX NE YEESU ne Lik a bindtuuna 19:21 - NQAARIIT NE ROOG

²¹ Kaam diid’u yaam ne refoona o kiin o ƭomu tig, kaa o sertaa kaa geekeeroona, soo saxadaa kaa duufeeroona.›

YEGIL MBAAX NE YEESU ne Lik a bindtuuna 19:21 Referans Kwoze

Yudaa 1:15

Xan a dalin hate took wiin we fop, a xaw jofaƭaru we yaam njofaƭar ne da mbi’na fop, ye da mbañna a Roog fo a ƭelem a ñexetu ke baabakaad jofaƭaru we a layna no ten fop.»

1Saŋ 4:18

Caƭar refee kam o mbeq, ndaa o mbeq o ñaku sik kaa raxaa caƭar. Muu caƭar a refna, a qaw kaa foogooxeel, too oxe na saɗaraa, o mbeq um a jega sik.

Saak 2:10

A soƥangaa koy sax ee o kiin a fadna kebil ke Roog fop boo ta yoq leng, yaaga a ɗapa ke yoqna fop.

2 Timote 1:7

Ke Yiif le Roog a ci’na a in naagee o riñaa no deyaƭar. Kaa cooxtaa doole fo o mbeq fo o and.

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

O leetar ole Pool a bindna GIMU WE NGENNA ROM 8:7

We na topatooxaa ke cer ke a mbugna, fañ Roog a ndefu, yaam cer den kaa mbañ o nanan kebil ke Roog, kaa mbaagiran a mbaag sax.

1 Sami’el 12:20

Sami’el a doona xeet faa yee: «Ba nu saɗar! Ndigil oo, nu mbi’a paaxeer keene fop, kaa koy, ba nu ndiƈatoox o Yaal oxe, ndaa mbaɗooxeenoo na qeeñ nuun fop.

YEGIL MBAAX NE YEESU ne Lik a bindtuuna 19:20

O lakas a gara, a layin ee: ‹O yaal mbind es, o xanjar of oxey, kaam fof’un, geekin.

YEGIL MBAAX NE YEESU ne Lik a bindtuuna 19:22

O yaal mbind ne a layaan ee: ‹Xam hate’ong na fa lay of, o tag o soxodu xe! And’aa xil ee o kiin o ƭomu tig refum, kaam sertaa kaa geekeeruuma, too saxadaa kaa duufeeruuma.