YEGIL MBAAX NE YEESU ne Lik a bindtuuna 19:17 - NQAARIIT NE ROOG

¹⁷ O yaal mbind um a layaan ee: ‹Jook a njal o tag o paax oxe. Gore’aa no tig neewu, ten taxu xam doxnong teeru xarɓaxay!›

YEGIL MBAAX NE YEESU ne Lik a bindtuuna 19:17 Referans Kwoze

YEGIL MBAAX NE YEESU ne Lik a bindtuuna 16:10

Oxuu gore’na no ndik, xan a gore no tig maak itam, too oxuu jofeerna no ndik, jofkee no tig maak itam.

Mace 25:21

O yaal mbind um a layaan ee: ‹Jook a njal, o paɗ o paax o kore’u xe! Gore’aa no tig neewu, ten taxu xam doxnong mayu. Rokiidi too felakinoox fo o yaal mbind of!›

1 Piyeer 1:7

Keene waru, yaam wurus fee nayneena na fiɗel sax, xan a sooƴ. O ngim onqe moƴu o jeg wurus fee o njiriiñ. Neene itam a ɗeetlooxe nen a wurus fee, ndax ta lalit ee ndigil oo. A reftangaa neene, xan o ngim nuun a tagasel, a fakel soo a niwel, yaa Yeesu Kiristaa a nomtooxiidkaa.

1 Sami’el 2:30

Feek neene yoo koy, kene refu ke um yegnang, mi o Yaal oxe Roog fee Isra’el: Kaam reg’u ƥasil of, na carind ale fogoona yee: Saasadax es nu mbugko ndefaa boo kili, ndaa ndiiki koy, kaam yegnang a qoolu yee refkatee neen boo muk, yaam o mat, kaam niwaa we na niwaxam, ndaa we ndeɓaxama, kaam deɓatinaa a den itam.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

Mberaand 39:4

Neene, Yoseef a daaw’a yirmande no yaal mbind um fi’uuna ta jalanan, a dalnin no mbind um, a doxnin o jeg um fop.

1 Piyeer 5:4

Nu mbi’angaa keene fop, xan nu ndaaw o ndam onqe nen o ndip o yaqooxkeer, yaa o Kaynaak o maak oxe a feeñkaa.

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

O leetar ole Pool a bindna GIMU WE NGENNA ROM 2:29

O Yaawuur tigi refu oxe refuuna kam um, a xucoox no xeeñ. Nquc neene koy, inooree no ke bindeena kam kebil ke, ndaa kaa refit na pexey Yiif le Roog. Yaawuur tigi neene koy, o ndam um naagee o hataa no wiin we ndaa na Roog.

YEGIL MBAAX NE YEESU ne Lik a bindtuuna 22:30

ndax nu ñaam yer fa mi kam mbind Faap es, moof na kamb, ngate a carind xarɓaxay fo a carind a ƭak ake Isra’el.»

Xa peƭit axe 27:18

Oxuu topatooxna ndun, a ñaam xa tim axaa, oxuu dagooxna o yaal mbind um a paax, a niwel.

YEGIL MBAAX NE YEESU ne Lik a bindtuuna 19:16

O eetaand oxe a gara, a lay ee: ‹O yaal mbind es, o xanjar o leng ole a rima xa qanjar xarɓaxay.›

YEGIL MBAAX NE YEESU ne Lik a bindtuuna 19:18

O ƭikandeer oxe a gara, too a lay ee: ‹O yaal mbind es, o xanjar ole wo a rima xa qanjar xa ƥetaq.›