YEGIL MBAAX NE YEESU ne Lik a bindtuuna 19:12 - NQAARIIT NE ROOG

¹² A laya boog ee: «O kiin o maak ñaaƴkoogu na saate fa ngoƭu ndax ta dodoox o maad, soo a nomtooxiidkaa.

YEGIL MBAAX NE YEESU ne Lik a bindtuuna 19:12 Referans Kwoze

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

Hebre 9:28

Neene itam, Kiristaa a ɓoxote nen sadax jaf leng kut, ndax ta forit pakaad no wiin mayu. Xan a feeñ jaf ɗikandeer, refee koy ee ndax ta forit pakaad, ndaa ndax ta mucil we ndefna no cungan.

YEGIL MBAAX NE YEESU ne Saŋ a bindtuuna 18:37

Pilaat a layaan ee: «O maad refo boog?» Yeesu a doona yee: «Ne’aano boo ƴut, o maad refum tigi. Kaam rimel, gar na adna fee, ndax um seede’anaa ndigil ne. Oxuu fogna no ndigil ne kaa nan-gilooxaa o ñuxur es.»

YEGIL MBAAX NE YEESU ne Lik a bindtuuna 20:9

Yeesu a refa no naxooxaa xeet faa yee: «O yaal mbind a jimba a ƭing taxar biiñ, a doxnin xooxoox ndax da nqaajran fo ten, yaam kaa bug’u o ñaaƴik no saax jan, too a nar’u o miñ.

Mbeeñil 1:7

«Ngela ƭeeteenoo, oxe garaa ndeer a eel ake! Xan wiin we fop a ndaxaaƴoox, a nga’in boo no we ndib’uuna sax. Xan qeet ke fop a njoytoox yaam o ten.» Ii, neene a refitkaa! Amiini!

1 Korint 15:25

Yaam Kiristaa a hela o maadooxaa boo yaa Roog a fi’na fañ um me ta dakaa.

A pi ake 17:31

yaam a dama bes fee ta hate’kaa adna fee fo o cofel, na pexey o kiin oxe ta jooxna. A lala wiin we yee keene booru yoo, ye ta xontooxnoorna o kiin oxeene a ndeer no xon we.»

YEGIL MBAAX NE YEESU ne Lik a bindtuuna 24:51

Yaa ta barke’aa a den, a riƈatooxa a den, Roog a yoɗin na asamaan.

Mark 16:19

Yaa o Yaal oxe Yeesu a layna a den naaga boo a ƴut, Roog a yoɗaan na asamaan, a moofnin na ñamaak um.

Mark 12:1

Cinj kaaga, Yeesu a refa no naxooxaa a den ee: «O yaal mbind a jimba a ƭing taxar biiñ, a ɗingin, soo a waq kam faa o nirir. A maxa taaga o yetooxand. Maaga, a doxnaan xooxoox, da nar o nqaajran fo ten, soo a ñaaƴik no saax jan.

Mace 21:38

Kaa koy, yaa xooxoox waa a nga’na o ƥiy onqe no yaal a ƭing alaa a garaa, a laya yee: ‹O lam oxe xe garaa. Fat i mbarin, soo njang ke ta war’ina o lam fop.›

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.