YEGIL MBAAX NE YEESU ne Lik a bindtuuna 18:9 - NQAARIIT NE ROOG

⁹ Yeesu a naxooxahina a den no kaa farna no wiin waa mbi’ooxoogna wiin jofu soo a nqeefaa lakas we.

YEGIL MBAAX NE YEESU ne Lik a bindtuuna 18:9 Referans Kwoze

YEGIL MBAAX NE YEESU ne Lik a bindtuuna 16:15

Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

Xa peƭit axe 30:12

Sabab took no we na nqalaataa yee a nqoola, too ƥogdooxee no nqoolaƭar den.

Esayi 65:5

Kaa layaa we da nqettaa yee: ‹Goƭaam de, ba o duqaam ndik o xoolaƭarnaam.› Fuux na damaxam, a gen no kaƥaa kam es, yaa ga’uuma keene fop da mbi’aa.

O leetar ole Pool a bindna GIMU WE NGENNA ROM 10:3

Ne Roog a jofandtaa wiin we mbaambir um, kaa mo a den mir, soo da ndek a mbaaƭan a qoox den pexey naa da njofitna. Ten taxu njaɓee pexey ne Roog a jofandtaa.

O leetar ole Pool a bindna GIMU WE NGENNA ROM 14:10

Wo o mat, xar taxu koy o hate’aa o pog of? Kaam ee xar taxu o xeefaa o pog of? Mee ndax xan i mbokatoor in fop mbaambir Roog, ndax ta hate a in?

YEGIL MBAAX NE YEESU ne Lik a bindtuuna 7:39

Yaa o Farisiya xe xoy’ina a Yeesu a ga’na kaaga, a laya taa no yiif um ee: «O kiin oxene a reeƭangaa o tuleer, a andkooga oxe o tew oxeeke na duqan a refna fo ke ta refna no wiin we. A andkooga yee o paabakaad oo.»

O leetar ole Pool a bindna GIMU WE NGENNA ROM 7:9

Yaaga andafuliim kebil ne, kaam ñoowoogu, ndaa ye kebil ne a fadiidna koy, bakaad fee a ñoowa na mi,

YEGIL MBAAX NE YEESU ne Lik a bindtuuna 19:7

ndaa waa nga’na kaaga fop a ñunqumtilooxooga yee: «Ɗeeti Yeesu a dalik no mbind no koor o paabakaad!»

YEGIL MBAAX NE YEESU ne Lik a bindtuuna 18:11

O Farisiya xe a inooxa a geenoox, too a xeɗit nene yee: ‹Roog, mexe ɓoxotang tedaanga, yaam ne nandeeruuma fo wiin leng we ndefna guuɗ, a njofaƭar, a seeqaa mbaat nen o taarabdinax juuti xene sax.

A pi ake 22:21

Maaga, o Yaal oxe a layaxam ee: ‹Reti rek, yaam xam lulong maa goƭna, farna fo qeet ke ndefeerna Yaawuur.› »

YEGIL MBAAX NE YEESU ne Saŋ a bindtuuna 9:34

A ndoonaan ee: «Woxe rime kam bakaad, soo tee koo bug o jangin a in.» Naaga, a ndalfooxaan o ndax.

YEGIL MBAAX NE YEESU ne Saŋ a bindtuuna 9:28

A mbenaan, soo a ndoon teen, a layin ee: «Wo refu taalbe um kañ. In o mat, daalbe Moyiis i ndefu.

YEGIL MBAAX NE YEESU ne Saŋ a bindtuuna 8:48

Yaawuur we a layaan ee: «Refee keene i layaa lay! Ke i layna yee jini damong kañ, ndigil oo! O Saasamari o mat refo!»

YEGIL MBAAX NE YEESU ne Lik a bindtuuna 15:2

Farisiya we fo saasadax maak we kaa ñuxmatilooxoogu, a layaa yee: «O koor oxeeke kaa dalnaa baabakaad we, soo a ñaamaa fa den.»

YEGIL MBAAX NE YEESU ne Lik a bindtuuna 10:29

Kaa koy, o koor oxaaga a bug’a o ɓur, too a laamta a Yeesu yee: «An refu o kend es?»

Esayi 66:5

Nan-gilooxyo ke o Yaal oxe a layna, nuun we na sendaa yaam diid yaa nu ndaawna fa lay um: «Fog nuun we sibna a nuun soo a ndaxaa a nuun yaam gon es kaa nqaadnoortaa a nuun ee: ‹Fat o Yaal oxe a lalit o ndam um, too yaaga xan i nga o ɗaay nuun!› Ndaa kañ, den o mat na neewandkeel.»

O leetar ole Pool a bindna GIMU WE NGENNA ROM 14:3

Oxe waagna o ñaam fop koy, baa xeef oxe na ñaamaa ñaamel leng-leng. Oxeene itam, waree o jambaa oxe waagna o ñaam ñaamel kuu ndefna, yaam Roog a jaɓa oxeene kiin.

A paɗax ale 13:32

No ñaal ɓetuu ƭikandeer ne, fat o saasadax oxe a ɗeet uut le. Boo ƴaar le a xayeerna, jegee saxin laa yaayna too moƴee o xooɗ ƭool ne,