O Yaal oxe ñakkee o fadin muk a tegit um, ne leng-leng a mboogtuuna. Kaa koy, a jega o muñ na nuun, yaam bugee o leng a saŋkoox, ndaa kaa bug fop a mbes pakaad den a cinj.
Oxe andoona koy ee o ñaaw oxaa yoqna koƭong, too jegee oxaa geenooxuuna yoo, a wara o doon yaakaar um na Roog, a gen ñaal fo o yeng na qeƭ, a xeɗooxaa itam.
Kaa mbalalooxoogu a maak ee: «O Yaal o tedu fo o tigil oxe, boo a mban o cungkaa ndax o hate we ngenna na adna fee, xaw a den, yaam ne da mbar’ina a in?»
ndaa cinj kaaga o ñaaw a reeƭatu. A jeg’a xa kiid qarɓeen ɓetuu tadik fo xa kiid xa nahaq. Inooxoogee no Mbind Roog naa, too a dagooxooga a Roog ñaal fo o yeng, a xeɗaa, a hooraa.
Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee refna na asamaan ci’kee a nuun paax yaa nu nqeɗuuna o ten?
A kim oo. A kim a tedu laa fogna na ke no Kookoora we yoo. O yaal a ƭat ale no jeejeek we a xoolne yee a kim alene kaa yoonandteel a liit. A cangtax alaa gimeena yoo, a fog na ke Hemaan, o Ee-esrahi xe.
Waxtu fee mbeeñil neene a fadnooxkaa fadafulee. Waxtu fee oxey mbaambir too ñakkee o gar. A ñaalange sax oo, fat nu cungin, yaam a woora kañ ee xan a gar too gulooxkee muk.
Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»
Mi Pool fee o paɗ Roog fo apootar Yeesu Kiristaa na bindang o leetar oleeke. Yeesu Kiristaa kaa lulaam, ndax um andnoor we Roog a jilna o ngim onqe, da and ndigil ne refna no reef a Roog,
«Nuun we xa taan Yakoob, xar taxu nu layaa, kaam ee wo Isra’el, xar taxu o jeepeetaa yee: ‹O Yaal oxe ga’ee ke na daliidaxam, Roog es ga’ee ke refna wargal es›?
Mi Piyeer fee apootar Yeesu Kiristaa na simnaa a nuun. Roog jilu a nuun, nuun we ndefna xa kataakoon xa pictooxu kam xa cegel axeeke: Pont fa Galati fa Kapados fa Asi fa Bitini.