YEGIL MBAAX NE YEESU ne Lik a bindtuuna 18:43 - NQAARIIT NE ROOG

⁴³ Na waxtu faaga sax sax, a waagata a ka, too a reefana a Yeesu, a simataa a Roog. Fop waa nga’ina kaaga a ƥoxota a Roog o ndam.

YEGIL MBAAX NE YEESU ne Lik a bindtuuna 18:43 Referans Kwoze

A kim a tedu ke 146:8

O Yaal oxe kaa wetaa a kid no we mbuulna, a inaa we maafeena, a fex jofu we.

Galati 1:24

Maaga, a simata a Roog yaam mi.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

A pi ake 11:18

Ye da nanna kaaga, a naangayo cel, a simataa a Roog, a lay ee: «Yaaga boog, Roog kaa ci we ndefeerna Yaawuur, da mbes pakaad den a cinj, ndax da njeg o ñoow ole.»

A pi ake 4:21

Maaga, a ngartooxahina a den, too a mbokit a den da ndet. Nga’ee na den dara kaa da nqawitna a den, yaam xeet fee fop kaa simatoogu a Roog no ke xewna.

YEGIL MBAAX NE YEESU ne Lik a bindtuuna 13:17

Fa lay faaga na Yeesu a sedanda fañ um lool, ndaa faan laa fop naa da mbodeena, kaa ƭaay’u na pi a cegu o ndam akaa Yeesu a fi’oogna.

YEGIL MBAAX NE YEESU ne Lik a bindtuuna 5:26

Wiin waa fop kaa njaaxiɗ’u, a simataa a Roog, too a ndiid. Kaa layoogu yee: «I nga’a xaye kaa a kid in a moseerna o ndoonoox!»

YEGIL MBAAX NE YEESU ne Lik a bindtuuna 4:39

A yoorooxaan, a rax a sumaan ale, too o tew oxe a salda. A dalfooxa o inoox, soo a genar a den.

Mace 21:14

Fuul fo wiin waa na laƴaa, a matiida a Yeesu kam Mbind Roog naa, too a wodanda a den.

Mace 11:5

Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

Mace 9:8

Yaa wiin waa a nga’na kaaga, diid a dama a den, too a ƥoxota a Roog o ndam, ten fee ci’na wiin we sañ-sañ fa mbodu neene.

Esayi 43:21

Maaga, xeet feene sakuuma xan a simataxam.»

Esayi 42:16

Xam ñaaƴnoor fuul we na ƭat alaa da and’eerna, ɗox a den na qal akaa da mos’eerna o ndeef. Xam suptan a den o niɓaan ole a qoolaand, soo a qalnqaluuƈ ake, um fodrand a den. Keene refu ke um fadinkaa, too dakooxkiim teen a cinj.

Esayi 35:5

Maaga, fuul we xan a nga’ataa a qool qac, nof ke no ram we a mbetoox,

A kim a tedu ke 107:15

Fat boog da ngidim o Yaal oxe no mbeq um fo no com’andtu ke ta fi’anna xa ƥiy Aadama!

A kim a tedu ke 107:8

Fat boog da ngidim o Yaal oxe no mbeq um fo no com’andtu ke ta fi’anna xa ƥiy Aadama!

A kim a tedu ke 30:2

O Yaal oxe, mexe tagasang, yaam suudtaxamo no gamb le na saŋkax ale too xaƴiro fañ we mi da njalaam.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

YEGIL MBAAX NE YEESU ne Lik a bindtuuna 19:37

Yaa da mbaambnooxna Yeerusaleem, farna fa pudin alaa no Joong olaa no taxar oliiw kaa, faan laa no daalbe waa fop a sawara, a simataa a Roog a maak yaam a pi katil ake da nga’’ina.

YEGIL MBAAX NE YEESU ne Lik a bindtuuna 9:43

Fop kaa njaaxiɗ’u yaam o magnel ole Roog. Maaga, fop a njaaxiɗ’a no ke Yeesu a fi’oogna, ndaa Yeesu a laya daalbe we ten ee: