YEGIL MBAAX NE YEESU ne Lik a bindtuuna 18:22 - NQAARIIT NE ROOG

²² Yaa Yeesu a nanna kaaga, a layaan ee: «A yoqahina leng kaa fi’eeroona: Jikooxi ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

YEGIL MBAAX NE YEESU ne Lik a bindtuuna 18:22 Referans Kwoze

YEGIL MBAAX NE YEESU ne Lik a bindtuuna 12:33

Njikooxyo ke nu njegna fop, soo ndimle’tin rool we. Mbaaƭanyo a qoox nuun o geekand o yaqukeer muk, ndax halal nuun a miñ na asamaan maa guuɗ we a matiidkeerna fo maa max ke a naangeerna o yaqtaa tus.

Mace 19:21

Yeesu a layaan ee: «O bugangaa o ñak sik, reti jikoox kaa jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

YEGIL MBAAX NE YEESU ne Lik a bindtuuna 16:9

Ten taxu mexe layaa a nuun ee: Nqaariitoorityo kalal leweer ke na adna fee, ndax a kasaara’ooxangaa, nu njaɓel kam pind paafkeer kaa.

YEGIL MBAAX NE YEESU ne Lik a bindtuuna 10:42

ndaa tig leng kut jegu o njiriiñ. Ɗeeti, Mari a jila a las a paax ale o leng a jaɓkeerna no ten.»

2 Piyeer 3:8

Kaa koy, nuun we fexuuma, a jega tig leng kaa nu mbareerna o ñak-o-and, ten refu yee: Mbaambir no Yaal oxe, bes fa leng kaa ref nen xa kiid juni, soo xa kiid juni a ndef nen a bes fa leng.

Filip 3:13

Fog es, ɓekiim no xoox es ee pokaanum boo ƴut, ndaa a jega koy kaa um fi’aa: Kaam fañ o ɓek yiif es no ke daawuuma o fes a cinj, soo ɗoftaa o daaw ke fodaxama mbaambir.

YEGIL MBAAX NE YEESU ne Lik a bindtuuna 9:23

Maaga, a laya a den, den fop ee: «Oxuu bugaxama o reefan, fat a wuus o ñis um, a gadooxaa a kurwaa um bes fuu refna, soo a reefanaam.

A kim a tedu ke 27:4

Tig leng kut um xeɗaa o Yaal oxe, ta fidaam lool. Ten refu um gen kam Mbind ne no Yaal oxe no ñoow o ñis es fop, ndax um fuudaa o mosel no Yaal oxe soo waaƭan kam ngenand ne ten.

YEGIL MBAAX NE YEESU ne Lik a bindtuuna 18:21

A doonaan ee: «Miñaam o reefaa keene fop no ndeƥandoong es boo ndiik.»

YEGIL MBAAX NE YEESU ne Lik a bindtuuna 18:23

Yaa o koor oxaa a nanna kaaga, a gooy’a bo, yaam kaa jeg’u halal fa mayu.