YEGIL MBAAX NE YEESU ne Lik a bindtuuna 18:18 - NQAARIIT NE ROOG

¹⁸ O aa-adax a matiida, a laamit a Yeesu yee: «O Caajangin o paax oxe, xar helum o fi, ndax um lam o ñoow o fagkeer ole?»

YEGIL MBAAX NE YEESU ne Lik a bindtuuna 18:18 Referans Kwoze

A pi ake 16:30

Cinj kaaga, a suta a den tafil, too a lay ee: «Goor maak, xar warum o fi ndax um muc?»

A pi ake 2:37

Yaa da nanna fa lay faaga, cer den a ñaaƴa, too a laya a Piyeer fo apootar lakas waa yee: «Fog we, xar i mbaru o mbi?»

YEGIL MBAAX NE YEESU ne Lik a bindtuuna 6:46

«Xar taxu nu nqoyaxam ee o Yaal oxe, o Yaal oxe, too nu naangee o mbi’aa ke simtuuma?

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Malaki 1:6

O ƥiy kaa ci’aa a faap um cer, soo o tag a niwaa o yaal mbind um. Yaaga boog, mi fee faap nuun, xar taxu nu ci’iraam cer? Ndi mi fee o Yaal nuun, xar taxu nu niwiraam? Mi o Yaal oxe Hupna fop na laamtaa a nuun keene, nuun saasadax we na ñawle’aa gon es soo ndamtin ee: «Na xar i ñawle’taa gon of?»

YEGIL MBAAX NE YEESU ne Lik a bindtuuna 18:19

Yeesu a doonaan ee: «Xar taxu o xoyaxam o paaxu xe? O leng soom faaxu, ta ref Roog.