YEGIL MBAAX NE YEESU ne Lik a bindtuuna 18:16 - NQAARIIT NE ROOG

¹⁶ Maaga, Yeesu a xoya a den, a lay a den ee: «Nqaƴyo xa teɓandoong axe da ngar me mi. Ba nu mbañit a den, yaam we nandna fa den njegu Maat ne Roog.

YEGIL MBAAX NE YEESU ne Lik a bindtuuna 18:16 Referans Kwoze

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

1 Korint 7:14

Yaam o kor o kimeer oxe, o teem oxe gimna a tedlandaan, ne o tew o kimeer oxe a teditna yaam o kor um oxe gimna. A refit’angee neene, xa ƥiy den a nqoolaƭar, ndaa feek neene yoo, xa ƥiy axe a tedata.

1 Piyeer 2:2

Nandyo nen xa qeq axaa sogeena o ndim, ñoowtaa fa lay fa nqoolu fee Roog ne da ñoowtitaa fo ɗeen, ndax nu maakaa too muc.

A cangatin ale 31:12

Fat nu mbokat xeet fee, goor we fo rew we fo xa caaƈ axe fo xa kataakoon axe na ndefkaa a ndeer nuun, ndax da nan soo a aqatoox o saɗar o Yaal oxe Roog nuun, a ngay ndax da ndeef fa lay fee no kebil keene fop.

A pi ake 2:39

Yaam a tegit ale, nuun njegun, nuun fo xa ƥiy nuun. We o Yaal oxe Roog in a xoykaa fop itam too a ngoƭ, a mboga teen.»

Mberaand 21:4

Abraham a xuca a Isaak fee o ƥeem ye ta jegna bes fa ndakooxiidu, ne Roog a heblit’uuna o ten.

A cangatin ale 29:11

Nuun wey ngeenooxa, ndax nu ndok no ngiɓoor fo o Yaal oxe Roog nuun, ngiɓoor naa saƭkinteena a taaƥ, too o Yaal oxe Roog nuun a hiɓan fa nuun xaye.

2 Caloori ke 20:13

Yuuyudaa we fop boo no rew we fo xa caaƈ axe kaa ngeenoox’u mbaambir no Yaal oxe.

Yeremi 32:39

Xam coox a den yiif leng kut fo a ƭat a leng, ndax da saɗaraam kili, a njeg o ɗaay, den fo xa taan den.

Mace 19:14

Yeesu a laya a den ee: «Nqaƴyo xa teɓandoong axe! Ba nu mbañit a den da ngar me mi, yaam we nandna fa den njegu Maat ne na asamaan.»

YEGIL MBAAX NE YEESU ne Lik a bindtuuna 18:15

Yeesu a ɓisiide xa qeq, ndax ta duq a den. Kaa koy, yaa daalbe waa a nga’na kaaga, a nqasana waa ƥisiid’ina a den.

YEGIL MBAAX NE YEESU ne Lik a bindtuuna 18:17

No ndigil, mexe layaa a nuun ee: Oxuu jaɓeerna Maat ne Roog nen o ndeɓandoong, waagkee o rok teen.»