YEGIL MBAAX NE YEESU ne Lik a bindtuuna 18:13 - NQAARIIT NE ROOG

¹³ O taarabdinax juuti xe a foda a cinj, bug’ee sax o daxaaƴoox na asamaan. Kaa riqooxoogu no ngang, too a layaa yee: ‹Roog, yirmaam mi fee refna o paabakaad!›

YEGIL MBAAX NE YEESU ne Lik a bindtuuna 18:13 Referans Kwoze

Esdaraas 9:6

soo lay ee: «Roog es, mexey na gaci too sedaam o yoɗ mukit es farna fa wo, wo Roog es, yaam pakaad in kaa ngartat a in took, soo tooñ in a cokrandoor boo na asamaan.

1 Timote 1:15

Keeke fa lay fa mbooru faa deyeena o jaɓ oo: Kiristaa Yeesu kaa gar na adna fee, ndax ta mucil baabakaad we, mi fa xoox es, um ref oxe moƴna faaxaƭar na den.

A kim a tedu ke 41:4

O Yaal oxe kaa saƭakinan, yaa ta waaganateerna xoox um dara, soo a daknin no wod-fo-ɓaal um, yaa ta jirna.

YEGIL MBAAX NE YEESU ne Lik a bindtuuna 23:48

Waa mbuudiid’ina fop a nga’a kaa xew’ina, too ye da nqaadaa, a mbadooxooga no kang.

Hebre 8:12

yaam xam waasanit tooñ den, too wetandooxkatiim pakaad den.»

A pi ake 2:37

Yaa da nanna fa lay faaga, cer den a ñaaƴa, too a laya a Piyeer fo apootar lakas waa yee: «Fog we, xar i mbaru o mbi?»

Hebre 4:16

Fat i ngooloox o matiid boog gamb no maad le Roog, me yirmande a refna. Xan i ndaawit teen a baasan, njegit teen yirmande fo o ndimle a mbanuu i soxla’uuna.

O leetar ole Pool a bindna GIMU WE NGENNA ROM 5:8

ndaa Roog a lalta ne ta fexitna a in boo Kiristaa a xonan a in, ye i maadna o ndefaa baabakaad.

YEGIL MBAAX NE YEESU ne Lik a bindtuuna 5:8

Yaa Simoŋ Piyeer a ga’na kaaga, a naaga giriƥriƥ, a gooknoox paam Yeesu, too a lay ee: «O Yaal oxe, goƭaam yaam o paabakaad refum.»

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

A kim a tedu ke 25:11

O Yaal oxe, waasanaam tooñ es yaam oxe refoona, tooñ es ke mayna lool.

Ke bindeena no xe ne’eena YOB 42:6

Ten taxu um naag ɓot no ke layuuma fop, ricooxaa tigi, moof no fo ut fo kam ndaw.

2 Korint 7:11

Ƭeetyo rek ke naqad feene inoorna na Roog a rimanna a nuun. Kaa rimaa fitna fo a baasnax fo fuux fo caƭar fo a tiilax fo o jaflax fo o nqasan. No kuu ta waagna o ref oo nu lalta na qoox nuun ee nu nqoola no keene fop.

A kim a tedu ke 25:7

Ba o wetandoox pakaad ke no ndeƥandoong es, too ba o damtaam tooñ es. Ɗeettaam o mbeq of, wo fee faaxna, wo o Yaal oxe.

Mace 9:13

Njangikyo ke fa lay fene a tekitna: ‹Yirmande moƴanaxam sadax.› Xoyiidiim wiin jofu we, ndaa baabakaad we.»

Heseki’el 16:63

ndax o wetandoox ke faafna, soo sed ɓot, ndax yaƥatkatiro o don of yaam gaci of yaa um waasankang fop ke fi’oona. Mi o Yaal oxe na refkaa boo faw layun.»

Esayi 1:18

O Yaal oxe kaa tee: «Ngaryo i layoor. Pakaad nuun a yaxgangaa nen fo’oy, xan a ndanig taw nen galam fo jem, a yaxgangaa coy, xan a ndanig fur nen fa liit.

YEGIL MBAAX NE YEESU ne Lik a bindtuuna 17:12

Ne ta rok’ina na saate, goor xarɓaxay waa a tik-a-maak ale a damna a nqetooxiidaan. Yaa da maadna o ngoƭaa,

Dañel 9:5

i mbakaada, tooñ, soxod, siiknoor fa wo soo mbes a cinj kebil of fo bargal of.

A kim a tedu ke 130:7

Isra’el, ɗagi yaakaar of no Yaal oxe, yaam me ten o mbeq a refu, too a bat ale oxey fo ten bo ta dey sik.

A kim a tedu ke 119:41

O Yaal oxe, fat o mbeq of a xay na mi, muclaam ne regtitanoona.

A kim a tedu ke 106:6

I mbakaada nen daan in, mbesoor naa faaxeerna, too a qaw ale a hela a in.

A kim a tedu ke 40:12

Wo o Yaal oxe, xañkiraamo yirmande of, too o mbeq of fo ndigil of xan a ngen no saytooxaxam.

2 Caloori ke 33:23

Kaa koy, neewandooxee mbaambir no Yaal oxe ne Manaase fee faap um a neewandooxit’ina, a refangeerna a moƴ o bakaadaa.

2 Caloori ke 33:19

A qeƭ ale ten fo ne Roog a jaaɓtuuna, tooñ ke ten fo ngore’aƭar ne ten, fo mbiñ ne ta max’ina a ñaang a sadaxand ake, soo a lup maaga xa taaƴ axe Asera fo nitaal ke yaaga neewandooxafulee, keene fop kaa mbindel no «Safe le Hosay».

2 Sami’el 12:13

Maaga, Dawid a laya a Natan ee: «Tooñaam o Yaal oxe!» Natan a layaan ee: «O Yaal oxe a waasanaang tooñ of, too xonkiro.

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

Mace 6:5

«Boo nu nqeɗaa, ba nu nand fo yememaar we mbexna ngeenoox a nqeɗaa kam pind a qeƭ ke fo na xa salit axe no ped ke, ndax wiin we a nga a den. No ndigil, mexe layaa a nuun ee: A ndaawa ndabid den boo a ƈut.

Mace 10:3

A jega itam a Filip fa Bartelemi fa Tomaa fa Mace fee rabdinooxoogna juuti, fa Saak fee o ƥiy Alfe fa Tade fa

Mark 11:25

Boo nu ngeenooxna ndax nu nqeɗ, nu saqanangaa o kiin tig, mbaasaneenoo, ndax Faap nuun fee refna na asamaan a waasan a nuun tooñ nuun itam. [

YEGIL MBAAX NE YEESU ne Lik a bindtuuna 22:41

Maaga, a reta koƭu ngap maa ɗak laa deɓeena a waagna o day, a gooknoox, a xeɗ a Roog,

A sutax ale 33:10

Xeet fee fop a nga’ooga eel le geenooxoogna no ndokand ne no Ƭiif ne, too oxuu refna na den a inooxooga, a gungaa no ndokand ƭiif um.