YEGIL MBAAX NE YEESU ne Lik a bindtuuna 18:11 - NQAARIIT NE ROOG

¹¹ O Farisiya xe a inooxa a geenoox, too a xeɗit nene yee: ‹Roog, mexe ɓoxotang tedaanga, yaam ne nandeeruuma fo wiin leng we ndefna guuɗ, a njofaƭar, a seeqaa mbaat nen o taarabdinax juuti xene sax.

YEGIL MBAAX NE YEESU ne Lik a bindtuuna 18:11 Referans Kwoze

Mace 6:5

«Boo nu nqeɗaa, ba nu nand fo yememaar we mbexna ngeenoox a nqeɗaa kam pind a qeƭ ke fo na xa salit axe no ped ke, ndax wiin we a nga a den. No ndigil, mexe layaa a nuun ee: A ndaawa ndabid den boo a ƈut.

Mbeeñil 3:17

Kaa o layaa yee: O yaal halal refum, ñaaƴnitaa ne warna, too ñakiim tus. Andiro yee kaa o halakoox, torox, rool, fuul soo ɓangdel!

Esayi 65:5

Kaa layaa we da nqettaa yee: ‹Goƭaam de, ba o duqaam ndik o xoolaƭarnaam.› Fuux na damaxam, a gen no kaƥaa kam es, yaa ga’uuma keene fop da mbi’aa.

Yeremi 2:35

o lay ee: ‹Fi’iim cageer leng. Fat fuux le no Yaal oxe a goƭaam!› Kaa koy, mi o Yaal oxe, xam layoor fa wo, feek kaa o lay ee: ‹Bakaadiim.›

Mark 11:25

Boo nu ngeenooxna ndax nu nqeɗ, nu saqanangaa o kiin tig, mbaasaneenoo, ndax Faap nuun fee refna na asamaan a waasan a nuun tooñ nuun itam. [

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

YEGIL MBAAX NE YEESU ne Lik a bindtuuna 20:47

Kaa njaɓaa ke ñaaw we a njegna fop, a yoonandtin a qeƭ a ciig, ndax da ƭeetel nen jofu. Weene wiin na moƴkaa o ƭomiɗ hate.»

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Yeremi 2:28

Taa roog ke jaloodoona boog? Fat da inoox, a mbaagangaang o mucil yaa fa taamaala of! Yaam wo Yudaa, jegaa roog kaa mayitna nen teeru ke wo.

Esayi 58:2

Ñaal oo ñaal kaa mbi’ooxaa waa na mbaaƭaxam, nen waa mbugna o and ke um cungaa da mbi. Kaa nandtaa saax laa na mbesooraa ne warna too mbaasee a ƭat ale Roog den a dalinna. Kaa nqeɗaxam kate cofu soo a mbug um ref fa den.

A kim a tedu ke 135:2

na ngeenooxaa no Mbind ne no Yaal oxe, kam o maax ole no Mbind ne Roog in.

A kim a tedu ke 134:1

A kim no ñaañaaƴ we yoo. Simatyo o Yaal oxe, nuun dag we ten fop na ngeenooxaa no Mbind ne no Yaal oxe na xa yeng axe.

Filip 3:6

damoox na den fo o mbeq boo ñagadilaa we ngimna na Yeesu. No cofel ole kebil ke a ndalinna um ñak ƥanjel.

Esayi 1:15

Nu ndekangaa xa ƥay tee kaa nu nqeɗaa, kaam fesaa a nuun o log, yaam ndik um hel o ga a nuun. Kuu nu ndupataa ndupat a qeƭ nuun oo, nan-gilooxkiim, yaam xa ƥay axe nuun kaa yedin.

Xa peƭit axe 20:6

Jaaku kaa yegnitaa o waag den, ndaa oxe woorna a ɗome o and.

Xa peƭit axe 30:12

Sabab took no we na nqalaataa yee a nqoola, too ƥogdooxee no nqoolaƭar den.

Mace 5:20

Mexe layaa a nuun ee o cofel nuun a hupangee ole no jaajangin we no kebil ke Moyiis fo ole no Farisiya we, nu ndokkee no Maat ne na asamaan.»

Mace 10:3

A jega itam a Filip fa Bartelemi fa Tomaa fa Mace fee rabdinooxoogna juuti, fa Saak fee o ƥiy Alfe fa Tade fa

YEGIL MBAAX NE YEESU ne Lik a bindtuuna 22:41

Maaga, a reta koƭu ngap maa ɗak laa deɓeena a waagna o day, a gooknoox, a xeɗ a Roog,