YEGIL MBAAX NE YEESU ne Lik a bindtuuna 18:1 - NQAARIIT NE ROOG

¹ Yeesu a naxooxa a den, ndax ta lal a den ee a mbara o ngen no nqeɗaa, too a mbañ o mbaas.

YEGIL MBAAX NE YEESU ne Lik a bindtuuna 18:1 Referans Kwoze

Kolos 4:2

Nuun fop, fat nu njof mbaambir na qeƭ, yokoox teen, ndef no ngidim.

O leetar ole Pool a bindna GIMU WE NGENNA ROM 12:12

Fat o ɗaay a ref fa nuun yaam yaakaar ne nu njegna. Njegyo o muñ kam coono ke, too ngen no nqeɗaa.

1 Tesalonik 5:17

Naangyo o nqeɗaa ñaal fo o yeng,

Filip 4:6

Ba nu nqalam dara! No kuu refna, ndiisyo a Roog coxla nuun, nqeɗaa, nqeɗooxaa, too ngidman itam.

Efees 6:18

Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

Yeremi 29:12

Maaga, xan nu ƈufginooxaam, ngeleeroox farna fa mi, nqeɗooxaa, too xam jaaɓ a nuun.

YEGIL MBAAX NE YEESU ne Lik a bindtuuna 21:36

Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»

Galati 6:9

Baa o fi paax a fas a in. I yapatilangee a pi a paax, i ñakkee o saxad muk, yaa hap fee a fadiidna.

A kim a tedu ke 86:3

O Yaal oxe, yirmaam, yaam wo um ƴufginooxaa no ñaal ne fop.

A kim a tedu ke 102:17

yaam o Yaal oxe xan a maxatin a Siyoŋ, soo a feeñoox no ndam um.

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

Yoona 2:7

Kaam ɗuuɗoox’u ɗuga xa coong axe, soo a kinglir ake jaaniif a mbegooraam boo kili. Kaa koy, wo o Yaal oxe Roog es, wo o mat ɗuqtitiidaxam fo o ñoow no duf-ee-duf laa jaaniif.

A kim a tedu ke 65:2

Wo Roog, kam teeru fee Siyoŋ i ngelaang o simat too mbadin a tegit in fa wo,

A kim a tedu ke 27:13

A wooraxam ee xam ga o paaxel ole no Yaal oxe took lanq ke no ñoow we.

Esayi 40:31

ndaa we yaakaarna o Yaal oxe kaa ndaawaa doole fa nqas. Kaa yetaa nen a canjiik, a ƈufaa, too nqijkee, a ñaaƴaa, too ñakkee doole.»

Esayi 62:7

Ba nu nqaƴin fo njaambuur um boo yaa ta dalnatinkaa a Yeerusaleem, a fi’in o ndam onqe no lanq ke fop.»

1 Sami’el 1:12

Ne Xaan a miñ’ina na qeƭ lool, a taxa Eeli a ref no horooxan.

YEGIL MBAAX NE YEESU ne Lik a bindtuuna 11:10

Oxuu xeɗna a Roog, xan a ci’el, too oxuu waaƭna, xan a ga. Oxuu koŋ-koŋinna, xan a wetanel.