YEGIL MBAAX NE YEESU ne Lik a bindtuuna 17:5 - NQAARIIT NE ROOG

⁵ Apootar we a laya o Yaal oxe yee: «Ɓaatani a in o ngim.»

YEGIL MBAAX NE YEESU ne Lik a bindtuuna 17:5 Referans Kwoze

Mark 9:24

Ndak fo ndak, faap fee no ƥeenqe a wuuqa yee: «Gimaam! Gari ƴufgaam no ngimaƭar es!»

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Filip 4:13

Waagaam fop yaam oxe na dif’axam.

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

YEGIL MBAAX NE YEESU ne Lik a bindtuuna 7:13

Yeesu a ga’a o tew oxe, ta yuɗin, too a layaan ee: «Ba o lool!»

Mark 6:30

Apootar we a mbokatoora paam Yeesu, a mbetandooxin ke da mbi’’ina fop fo ke da njangin’ina fop.

YEGIL MBAAX NE YEESU ne Lik a bindtuuna 7:19

too a lul a den maa no Yaal oxe, ndax da laamtin ee: «Wo refu oxe warna o gar, ndi kaa i mbar o cung o lakas?»