YEGIL MBAAX NE YEESU ne Lik a bindtuuna 17:34 - NQAARIIT NE ROOG

³⁴ Mexe layaa a nuun ee: No yeng olaaga wiin ɗik we ta soƥkaa no njong, xan o leng oxe a jangel, o lakas oxe a xaƴel.

YEGIL MBAAX NE YEESU ne Lik a bindtuuna 17:34 Referans Kwoze

2 Piyeer 2:9

O Yaal oxe a anda ne ta warna o muclit no ƭeetlax ke wiin we na ndeefan, soo wiin jofaƭaru we, ta geek a den, ndax da nqawel na bes faa na hate faa.

Mace 24:25

Yegnaanum a nuun yaaga fadiidafulee.

YEGIL MBAAX NE YEESU ne Lik a bindtuuna 13:24

«Ngoorgoorlooxyo o ndokit no don-maax o ŋooɓu le, yaam mexe layan a nuun, xan mayu a njeem o ndokit teen too mbaagkiran.

Mark 13:23

Mbootooxyo boog, yegnaam a nuun fop yaaga fadiidafulee.»

Yeremi 45:5

Soo wo o mat, o waaƭanaa a xoox of tig maak! Ba o waaƭ a den! Yaam mi o Yaal oxe, xam ɓisiid taamaala took mbindeef nuu refna. Kaa koy, xam ci’ong a muc o ñis of muu retoona.»

Esayi 42:9

Ke yegnit’eena yaaga a fadnooxa. Ndiiki, qas um yegnitataa, too kaam andnooran a nuun yaaga xewafulee.»

A kim a tedu ke 28:3

Ba o jangandooraam fo soxodu we fo we na mbi’aa njofaƭar, den we na layaa jam fo gend den, too a soƥa paaxeer ƥor a mbofu na qeeñ den.

A kim a tedu ke 26:9

Ba o jangandooraam fo baabakaad we, xuufandoor o ñis es fo ole no wiin fo’oy we,

YEGIL MBAAX NE YEESU ne Lik a bindtuuna 13:5

Ha’aa, mexe layan a nuun. Nu suptangee o ñoowooƭ, xan nu saŋkoox nuun fop nen a den.»

YEGIL MBAAX NE YEESU ne Lik a bindtuuna 13:3

Ha’aa, mexe layan a nuun. Kaa koy, boo nu supteerna o ñoowooƭ, xan nu saŋkoox nuun fop nen lakas we.

Mark 14:29

Piyeer a layaan ee: «Lakas we fop a tolofangaa boo a yen sax, mi fa xoox es yenkiim.»

YEGIL MBAAX NE YEESU ne Lik a bindtuuna 17:33

Oxuu bugna o gay o ñis um xan a ñakin, too oxuu ñakna o ñis um xan a geekin.

YEGIL MBAAX NE YEESU ne Lik a bindtuuna 17:35

Rew ɗik we ta soƥkaa da unaa, xan o leng oxe a jangel, o lakas oxe a xaƴel. [