Maaga, Piyeer a matiida a Yeesu, a laamtin ee: «O Yaal oxe, a caf a podnum warum o waasan o pog es yaa ta tooñaxama? Ndax boo a caf ɓetaa ƭaq a refkaa?»
Fat nu mbootoox a paax boog, yaam ndik nu mbeecit ngiɓoor ne o Yaal oxe Roog nuun a dalinna fa nuun, soo mbi nitaal roog, ta jeg o mem no fop ke ta xañitna a nuun,
«Kaa rek, mbootooxyo a paax too yetoox, yaam ndik nu mbeecit ke xewna too nu nga’oodin. No ñoow o ñis nuun fop baa keene a sutoox na yiif nuun, too fat nu mbetandooxin xa ƥiy nuun fo xa ƥiy na xa ƥiy nuun.
Fat oxuu refna a ɗeetaqin a xoox um, yaam ndik calel in no Yaal oxe a ndef kasaara. Mbootooxyo boog, ndax nu mbaag o ndaaw saɗig ne Roog a geekanna a nuun.
Mbootooxyo boo ba o leng a fes yirmande fee Roog a cinj. Kaam ee ba o leng a ndeer nuun a ref nen ndaxar ndali naa saxna, soo xa tim um a toroxandaa wiin mayu.
Jaɓaam o cofu a xawaam, o mbeq taxun mbaat ta xasanaam, yaam diwliin fa mbelu tuñ oo took xoox es, too fañiim kaaga. Mexe xeɗahinaa yaam kañaan ne no soxodu we.