YEGIL MBAAX NE YEESU ne Lik a bindtuuna 17:29 - NQAARIIT NE ROOG

²⁹ Kaa koy, na bes faa Lot a sutooxna Sodoom, a teƥ fiɗel fo kaa saxitna nen nqeen a yentiida na asamaan, a saŋik a den, den fop.

YEGIL MBAAX NE YEESU ne Lik a bindtuuna 17:29 Referans Kwoze

Mbeeñil 11:8

Maaga, xan xa tal den a liilel no nqel naa na teeru fa maak faa, maa o Yaal den a reng’eena. Teeru feene gon le Sodoom fa Misira a naxoorte.

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

2 Piyeer 2:6

Roog a hate’a teeru ke Sodoom fa Gomoor, soo a tasit a den fiɗel. Neene, a cooxa we ndeefeeruuna a lalgand ee neene a refitkaa na den itam.

Sofoni 2:9

Ten taxu mi o Yaal oxe Hupna fop, ref Roog fee Isra’el kaam ee: Ne ta wooritna yee mexe ñoowaa, neene a woortu yee xan Mowaab a nand fa Sodoom, soo saax le no Aa-amon we a nand fa Gomoor, a ndefat o mbiñ onqaa saxna o ndoxom, o tan fo jem, o mbiñ o mbootu boo kili. We na muckaa na xeet es xan a njangal a den, yoqatin we na xeet es a njegat saax den.»

Yeremi 50:40

Ne ta refit’ina na Sodoom fa Gomoor fo teeru ke mbid’ina a den, Roog a gef’ina tuƈ, o leng genkatee kam Babilon. O mbindeef o leng dalkatee teen. O Yaal oxe layun.

Esayi 13:19

Babilon, mosandoor ke no maat ke, kumooxel qaaƴoor ke no Kaakalde we xan a nand nen a Sodoom fa Gomoor Roog a gef’ina tuƈ.

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Esayi 1:9

Boo o Yaal oxe Hupna fop a wuusan’eerna a in yoqatin, nen a Sodoom i ndefkoogu, nand fa Gomoor.

YEGIL MBAAX NE YEESU ne Lik a bindtuuna 17:28

Kaa xew’ina na jamaane Lot na dakkaa o xew. Wiin we kaa ñaamoogu, a yeraa, a njikaa, a njikooxaa, a njimbaa taxar soo a maxaa.

YEGIL MBAAX NE YEESU ne Lik a bindtuuna 17:30

Neene o mat a refitkaa na bes faa o Ƥeenqe no kiin oxe a feeñkaa.

Mbeeñil 14:10

oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.