YEGIL MBAAX NE YEESU ne Lik a bindtuuna 17:26 - NQAARIIT NE ROOG

²⁶ Kaa xew’ina na jamaane Nowe na dakkaa o xew na bes faa no Ƥeenqe no kiin oxe.

YEGIL MBAAX NE YEESU ne Lik a bindtuuna 17:26 Referans Kwoze

2 Piyeer 2:5

Roog wuusee wiin we yaaga mbi’oogna pakaad. Nowe soom fee waare’oogna o cofel ole, a yoon fo wiin ɓetuu ɗik lakas, a mucil’u, ye ta saŋikna kam o jaɓ o maak ole wiin we ndeefoogeeruuna.

YEGIL MBAAX NE YEESU ne Lik a bindtuuna 17:24

Yaam ne o hiiñaand a fiisoortaa fo ne ta meleƈtaa na asamaan, a xotit no saax boo no saax o lakas, neene o mat a refitkaa no Ƥeenqe no kiin oxe a koom.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

YEGIL MBAAX NE YEESU ne Lik a bindtuuna 17:22

Cinj kaaga, a laya daalbe waa yee: «Xan a jeg a pe akaa nu mbugkaa o nga ñaal leng no Ƥeenqe no kiin oxe, too nu mbaagkiran o nga.

2 Piyeer 3:6

Roog, foofi a saŋkit’u adna fee yaaga itam, ye o jaɓ o maak ole a garna.

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Mberaand 6:7

O Yaal oxe a laya yee: «Xam moocand took lanq ke o kiin oxe sakuuma, ke xotitna no wiin we boo no cegel ke fo ƥood ke fo tiiƭ ke na asamaan, yaam ricooxaam tigi ke taxna um fi a den!»

YEGIL MBAAX NE YEESU ne Lik a bindtuuna 18:8

Mexe layaa a nuun ee: Xan a ñof o dimle a den. Kaa koy, ndax xan o Ƥeenqe no kiin oxe a soƥat o ngim na adna, yaa ta garkaa?»

Mberaand 6:8

Kaa koy, Nowe a daawa yirmande fee no Yaal oxe.

Esayi 22:13

ndaa o ɗaay fo o mbelakinax ndefu meen. Qoox ke we mbareel, paal ke a nqirseel, a tegeƴ ake a ñaameel soo biiñ fee a yereel, nu ndamtin ee: «Fat i ñaamaa, yeraa, yaam o feet i nqon.»

YEGIL MBAAX NE YEESU ne Lik a bindtuuna 17:7

O kiin na nuun a jegangaa o paɗ oxaa na jalaa no qol um mbaat ta gayanan, ndax xan a layin yaa ta gatna no qol ee: ‹Ñofi gar too ñaam!›

YEGIL MBAAX NE YEESU ne Lik a bindtuuna 17:27

Wiin we kaa ñaamoogu, a yeraa, a ndolniraa, a ci’taa xa ƥiy den a tolax, boo na bes faa Nowe a rok’ina na kaal alaa. O jaɓ ole a gara, too a saŋka a den, den fop.