YEGIL MBAAX NE YEESU ne Lik a bindtuuna 17:25 - NQAARIIT NE ROOG

²⁵ Kaa koy, oxeene kaa war o eet o coono mayu, too a sibel na xeet feeke.

YEGIL MBAAX NE YEESU ne Lik a bindtuuna 17:25 Referans Kwoze

Mace 16:21

Maaga, Yeesu a fertu o jangnaa daalbe we ten ee a wara o ret Yeerusaleem ndax maak waa fo saasadax maak waa fo jaajangin waa no kebil kaa Moyiis a ñagadilin. Xan a mbarin, ndaa no ñaal ndadkandeer naa, xan a xontoox.

YEGIL MBAAX NE YEESU ne Lik a bindtuuna 9:22

Yeesu a doona taaga yee: «O Ƥeenqe no kiin oxe a wara o ñagadilel. Xan maak waa fo saasadax maak waa fo jaajangin waa no kebil kaa Moyiis a mbañin. Xan a warel, ndaa no ñaal ndadkandeer naa xan a xontoox.»

Mark 8:31

Maaga, Yeesu a fertu o jangnaa daalbe we ten ee: «O Ƥeenqe no kiin oxe a wara o ñagadilel. Xan maak we fo saasadax maak we fo jaajangin we no kebil ke Moyiis a mbañin. Xan a warel, ndaa cinj ñaal tadik xan a xontoox.»

YEGIL MBAAX NE YEESU ne Saŋ a bindtuuna 1:11

Kaa gar me no wiin um, da mbañin, a mbesin a cinj.

YEGIL MBAAX NE YEESU ne Lik a bindtuuna 18:33

a nqawin xa cap, a mbarin, ndaa no ñaal ndadkandeer naa xan a xontoox.»

Mark 12:10

Ndax nu njangee kam a Pind a Tedu ke fa lay fene: ‹Ɓil le maamax we a ndeɓ’ina refatu ɓil faraaj le.

Mace 21:42

Yeesu a laya a den ee: «Ndax nu mosee njang kam a Pind a Tedu ke yee: ‹Ɓil le maamax we a ndeɓ’ina refatu ɓil faraaj le. Keene no Yaal oxe a inooru too njomlaand oo na kid in.›

Esayi 53:3

A sibe, too wiin we a mbañin, o koor coono too a and jir, a nand fo xe wiin we a mbañaa o nga. I nqeefaan, too a ƭat in yongee no ten.

YEGIL MBAAX NE YEESU ne Saŋ a bindtuuna 12:38

Ke o tuleer oxaa ne’eena Esayi a lay’ina a fadnooxa: «O Yaal oxe, an gimu waare in? An o Yaal oxe a lalu katil a ñamaak um?»

YEGIL MBAAX NE YEESU ne Lik a bindtuuna 24:46

A laya a den ee: «A binde yee Kiristaa fee a wara o coono, a xontoox a ndeer no xon waa no ñaal ndadkandeer naa,

YEGIL MBAAX NE YEESU ne Lik a bindtuuna 18:31

Yeesu a xoya xarɓaxay fo ɗik waa, too a lay a den ee: «In we ndetaa Yeerusaleem, too ke duleer we a mbind’ina no Ƥeenqe no kiin oxe fop xan a fadnoox.

Mark 10:33

«In we ndetaa Yeerusaleem, too xan o Ƥeenqe no kiin oxe a ɓoxotel saasadax maak we fo jaajangin we no kebil ke Moyiis. Xan a ngate’in ndax ta warel, too xan a ƥoxotin gimaƭaru we.

Mark 9:31

yaam kaa jangnoogu daalbe we ten, too a layaa a den ee: «O Ƥeenqe no kiin oxe xan a ɓoxotel a ndeer xa ƥay axe no wiin we. Xan a mbarin, ndaa ñaal tadik a cinj fa nqon um xan a xontoox.»

1 Sami’el 10:19

Ndiiki koy, nuun oo weene ndeɓa a Roog nuun fee mucilna a nuun no taamaala ke fo no naqad ke nuun, soo lay ee: ‹Dalnani a in o maad!› Yaaga koy, fat a carind ake fop fo a qaw den fop a ndalit mbaambir no Yaal oxe ne da ndeepatiritna.»

1 Sami’el 8:7

O Yaal oxe a doona a Sami’el ee: «Nan-gilooxi ke xeet fee a laykang fop, yaam refee yee wo a ndeɓu, ndaa mi sax a ndeɓu, ndax maadooxkatiim a ndeer den.